للشعر الملمع نكهة (2)

أشرق البدر فهات الكأس هيا *** انشوف كل الكون ويانه فرح

ما علينا من رقيب في الهوى *** وكلب كل الناس ويانه انشرح

أنت يا فاتنتي لم تعلمي *** هذا شعري بيج وحدج بس صدح

قولك قد آذاني *** وفعلك الكلبي سله

ليلي به سهران *** شفت الهظم والذله

مهلا حبيبي مهلا *** دربي بعد مندله

وزائرٍ زارني وهنا فقلت له *** شلون وصلت يفلان والليل مظلم

فقال آنست نارا من جواذحكم *** اتضوي جنح الليل وتكول اقدم

فقلت نار الهوى معنى وليس لها *** هذا الضوه اللي تكول للظلمة يعدم

فقال نسبتنا من ذاك واحدة *** انه الخيال وبالعشك ظليت أحلم

ولي كبد مقروحة من يبيعني *** كبد مرتاح مابي الم وجروح

أباها عليّ الناس لا يشترونها *** منهو اليشتري دم كله مسفوح

تمهل ياعزيز القلب مهلا *** عفتني وللكلب انته حركته

ولا تنس الذي يهواك دوما *** ضاع وياك كل تعب التعبته

زرعت لك الورود بطيب قلب *** وتحصد هلخلك زرع الزرعته

حبيبي أنت عنواني *** محتار الكلب بهواك

وهذا الهجر آذاني *** ما أكدر أنا بلياك

متى ترغب في وصلي *** حيرني الزمن بجفاك

لا تمر يا صاح في بستانه *** الواشي أبد ميريدنه نمشي سوه

هو من أرداك في جوف الجفا *** ظلمه خله أيامنه وطفه الضوه

دعه واسمع مني لاتسمعه قط ***لجلك انه فجت ببحور الهوه

ركب تعنطر من عطور الغار *** وكل محب للسبط منه اتعطر


بورك الركب لنجل المرتضى *** من التقى والهدى كله اتطهر

أريد سلوّكم والقلب يأبى *** وعتبكم ياحبايب سبب كربي

وأهجركم فيهجرني رقادي *** وأعيش بحزن عمري شنهو ذنبي

لقد عذّبتني يا حب ليلى *** ريتك بالقهر كبل آنه ما موت

فانّ الموت أروح من حياة *** يعيش المحب بيها والله ممقوت