حسافه نحبهم وعنهم بعدنه دمعهم نهره ظل يجري بعدنه يحنون ونحنّلهم بعدنه ونذرت الروح لو مرّو عليّه
أطش روحي بدرب ولفي ولمها بلكي تباوع الحالي ولمها لابيها يعرف قصتي ولمها زماني بلكن يردها اليه
يغايب حن على احبابك ومرهم رجعتك للجرح بلسم ومرهم نصيحه اتطيع رغبتهم وامرهم وتغسل بالوصل همّ العليّه
على الوجنات دوم تسيل عبره ويومك من يمر تركه وعبره مواعظ منه استلهم وعبره الكل الخلك انطيها هديه
يجرحي ابيش اخيطنّك واعافيك واشد حيل الحزن مرّه واعوفك والبّس ذلّتك عزه وأعفّك واكسر بالصبر راس المنيّه
يدولاب الزمن بيه ولك دور للغير نظمت مدحي ولك دور نجاين كلها ممليه ولك دور واريدن ياترف تشفق عليه
صلاة الليل أأ ديها وجمعه وانشر عطر لوليفي وجمعه كل الخير جابلنه وجمعه أحمد ربي كل صبح ومسيه
ربي الهاي دنياتك قسمها وانت حصتي ربي هلقسمها جمال وحسن وبرتني قسمها شحلاتك ونت تكعد بين ايديه
الواشي لا تتركه ودوم حجمه عقلنه بعلم مو بالكبر حجمه والدم لو فسد يفلان حجمه وخلي دنيتك حلوه وزهيه
يكلي شبيك كتله الوكت وك فات تجري بالعكس أيامي وكفت بحياتي ما شفت لليوم وكفت ماكو فد وفه ولا كو حميه
رد: الأبوذية
العرض العادي
