ليش التحبه اهواي يتعارك وياك بجفي الوجه والروح من هو يلكاك
من تبعد وتنساه يظل يبجي وينوح ومن تكرب يلاشيك ويشبعك اجروح
يقول الشاعر : يوم القيامة تصير فك دينك وطب صارن عليك هواي ياناكر الحب فاجبته: وانت شكثر أديت من واجبك او وديت يوم القيامة تصير ونتقابل بفد بيت
دِيمَة سمحةُ القيادِ سكوبُ مستغيثٌ بها الثرى المكروبُ
مر بالفرع خيّال دلاّلي باكَه خلاّني راح ابعيد يمته انتلاكَه
خلاني راح ابعيد والگلب مالوم هذا الچره والصار زيدلي الهموم
هذا الجره والصار خلاني حيران طول النهار بشوك وبليلي سهران
طول النهار بشوك وبعيوني دمعه درب المشيته وياك هم أله رجعه
درب المشيته وياك تعّب دليلي مو بس افكر بيك ما نام ليلي
موبس أفكر بيك دلالي محتار وكلبي يظل حزنان من سود الأفكار
كَلبي يضل حزنان بعدك يغالي لو إنت لو ماريد محّد حلالي