هـاك الكـلب بيـدك حـيل طـِحْنه أمس فوك النجوم الـيوم طحنه شبدينه وبالعـشك ياناس طحنه غِــشمـه كْــلوبنا تــحـب الأذيه
غاب الكمر من شافك ولا هل لـْغيرك ما نزل دمعي ولا هل مالي دار من بـعــدك ولا هـل عزيز ويصعب فراكـك عليه
ترف يمشي بدلال تكَول بطه بسهم لحظه دليلي بغدر بطه من أسرع اله ممشاه بطــــه أذا أوصل سرع وأبعد عليه
ترف يزهي حباره بوسط بطين وسهم لحظه يبطلي الكَلب بطين لدكَ وألطم وأطين الراس بطين أذا طار وبعد ما رد عليـــــــــه
شِـدَهْني الوكتْ يا مدْلولْ شـَدْهين حِرتْ مَدْري شـَجَبّرْ شـشِد شدْهَن جـثـيـرات وعليّ صَـعُبْ شـَدهِـن أدَبّـــرْ هايْ ذيــجْ تـْـهيـجْ بــيّـه
وزن حبك جبل حمرين واكبر اضل اصرخ واصيح الله واكبر لو اكبر بعد عشرين واكبر يضل حبك رمز مكتوب ألية
حبك ألة بكل عضاي دورة اشتبه من كًالك للغير دورة اذا شكيت هاك الكًلب دورة اذا بيه غير حبك لوم بية
طوالع من شبابي عليك يفلان من اذكرنك جميع عضاي يفلان خفت ماصيح باسمك صحت يفلان خفيت اسمك على اليشوون بية
عيني منظر الساحر يذبها والحب شحمة كًليبي يذبها واحد كًام عالثاني يذبها عيني وكًلبي تتامر علية
عجب عطشان نهرك ما جرالي بسابع وصـــه ربك ما جـــــرالي مو مـــــن غير هجرك ما جرالي جيرانك وهيج أسوي بيه
رد: الأبوذية
العرض العادي
