دارميات عراقية 3

تزخ الدمع زخات عيني يمحبوب

انته الأمل والروح وانته اللي مطلوب

من فركتك لليوم ما شفت راحة
متكَلّي ليش الشوكَـ ما بي استراحة

رحت العصر للروض حسبالي الكاك

كتت دموع العين ياحلو الفركاك

رحت العصر للروض حسبالي اشوفك
بس شفت دمع العين تغسل طيوفك

جيت الصبح لهواي أهديله ورده

شفت البدر بالبيت من ضوه خده

شفت البدر بالبيت ضاويلي خدّه
ماكو احله من محبوب واكَعد بسدّه

اقتباس: المشاركة الأصلية كتبت بواسطة حنان الدليمي     العين من ما جيت ما شافت النوم تزخ الدمع زخات تغسل بالهموم

تزخ الدمع زخات عيوني لجلك
شلون اهدي الروح مدري شكلك

اقتباس: المشاركة الأصلية كتبت بواسطة سعد السعد     شفت البدر بالبيت ضاويلي خدّه ماكو احله من محبوب واكَعد بسدّه

ماكو احله من محبوب ينسيني الهموم
شنهو اليصبر الروح والگلب مالوم

شنهو اليصبر الروح لو انته غايب
يجري الدمع بالعين والكَلب ذايب

يلرايح البغداد مر اعله دجله

وكله ابد ياصاح ماشفت مثله