للشعر الملمع نكهة (1)

دنت عند الوداع لوشك بين *** مثل شمس الاصيل تودع الناس

تذكرنا وفي الذكرى عناء *** مثل الخلك هيه اشكال واجناس

نسيم الروض في ريح شمال *** رقيق وينجرح لو هو ينكاس

داء ألم حسبت فيه شفائي *** لن مظلمة تالي صفت ايامي

قلب اذابته الصبابة والجوى *** عشت بهضم وتدهورت احلامي

والروح يجهدها نسيم تنهد ** * وترتعش ايدي من اشيل اقلامي

اني نصبت في الصحارى خيمتي *** وهناك اعزف علحزن انغامي

متفرد بصبابتي متفرد *** وقعت بالاحمر على اعدامي

كم من لئيم ود اني شتمته *** وآنه شتمي يأذي ويجيب الكدر

وللكف عن شتم اللئيم تكرما *** احسن من الشتم ويلحقه ابضرر

أنزلني الدهر على حكمه *** بحفره غميجه وحدي خلاني

وغالني الدهر بوفر الغنى *** ماعندي مال وما الي ثاني

ابكاني الدهر وياربما *** يضحكني لكن دهري بجاني

طوى شراعي في ذراعي مارد *** وحاجه الي رغم شبابي جفن

وانسل ظلي لاهثا كأنه *** كلوب وخياله اخذ منه الوسن

كأن كل زهرة تقول لي *** تمتع يحبي بحسن هذا الغصن

كان لبعضهم حمار وجمل *** شافن الويل وماكو الهن جاره

فانتظرا بشائر الظلماء *** فجن البيده وبس تشوف غباره

فاتفقا ان يقضيا العمر بها *** والروح ماتبكه بعد محتاره

وبعد ليلة من المسير *** كام الحمار يقص قصص الجاره

وقال كرب ياأخي عظيم *** عليه التفت ودموعه هم تتجاره

فقال سل فداك امي وابي *** بلكي اعينك راسي بيه افكاره

قال انطلق معي لادراك المنى *** هذا الدرب يسبي العقل بخطاره

لابد لي من عودة للوطن **** حجيك صدك كله واخذ البشاره

قالت الكبرى أتعرفن الفتى *** نبت الوسطه وحجت هذا عمر

قالت الصغرى وقد تيمتها *** منو ميعرفه الحلو وجنه كمر

علقت بحبك ياعراق قلوبها *** واشتاق الك اشمالها وجنوبها

وترنمت بهواك بين جنائن *** تنشر عطر جنات حين اهبوبها

وعلى ضفافك والاصيل مذهب *** والكل يغني وحله بيك اطروبها

والشمس مالت للمغيب زهية *** شمسنة حلوة بالعراق اغروبها

ما عشقت غير حروفك..ما غيرك ابد يا عراق
كذب من مّجد غير اسمك..جذاب هذه يا عراق

أهلا بطلتك البهيه *** خي قصي بالكلب زهره

ولقد ذكرت عراقنا *** وبالكلب زيدت جمره

هذا العراق تحفه *** عين باري عين قدره

ونحبه لجماله *** وحبنه هذا عله الفطرة

شكرا قصي مروركم *** للكلب كولك يسره