اقتباس: المشاركة الأصلية كتبت بواسطة عواطف عبداللطيف يجري الدمع بالعين رحت وتركته شمتت بيه الناس خليها سكته شمتت بيه الناس موكافي الغياب وحدي بطريق الشوك امشي يحباب
وحدي وطريق الشوك ياخذني يمّك والـــروح كله وياك ما تمــل منك
كم ليله أظل سهران ياولفي وحدي وانته بحلاة النوم يابعد جبدي
أبجي بتوالي الليل والدمع مدرار عيني اشتهت شوفتك والزمن غدّار
كل يوم نص الليل اسهر وتانيك بلكي تدك الباب وبحضني أخليك
فار الكَلب فورات مثل البراكين أسهر واصب دموع واشرب فناجين
كلبي يحلو الطول مشتعله ناره بلكي تجيني ابساع تسويله جاره
بلكي تجيني ابساع والعمريحله بالشوكّـ مجتمعين فرات ودجلة
أسهر واصب دموع ويطول ليلي من صدّك وفركاك مهدود حيلي
أبجي بتوالي الليل شوكَي ذبحني بالحزن والهم دوم متروس صحني