للشعر الملمع نكهة (1)

أتيت لرؤية الاحباب لكن ـــــــــــــ شفتهم ماكو تالي رجعت لهلي

حسبت أكحل العينين منهم ــــــــــــــ كمت امشي بحزن والله عله مهلي

أنى تغيب وشمس حرفك ساطعة .... وبكَلبي خبيتك مشاعر يانعة
أنى تغيب وأنت ماء مدامعي .... أسكَي الظما منك جداول نابعة

أنت مصباح حياتي ــــــــــ شلون اعوف آنه الضوه

أنت حبر ليراعي ـــــــــــ والحبر هو الدوه

أيها الهائم ما هذا السكوت .... لا تخبّي البوح خاف الحب يموت
أوما يوقظ فيك الوجد حرف .... ما إله في زحمة الكلمات قوت

لك في قلبي بيوت فارهات ـــــــــــ أكعد آنه وياك بيها وننسعد

صوتك الغريد في قلبي وما ـــــــــ يوم آنه أنساه مهما تبتعد

أبهى خصالك أن تكون حبيبا .... تتربع بعرش الكَلب وتديره
أو تجعل الإحساس يملأ كأسه .... بالحب وتناغي النبض وتثيره

الهوى أنت والمنى والعبير ــــــــــ شلون انسه وياك آنه عشرتي

الهوى أنت بالحنايا مقيم ـــــــــ انته دنيايه وربيعي وكمرتي

المنى أنت في العيون ربيع ــــــــــ وبهواك آنه أشمن وردتي

اسمك الحلو في فمي قبلات ـــــــ شلون انه انساك وانته سلوتي

يامالك الكون اني جئت داعية ــــــــــ تخلصني من هلحزن الصبر محدود

وحقق الحلم ان الوجد أرقني ــــــــ وكون الفرح والأمل ياربي ايعود

وفي دياري هناك اليوم تنزلني ـــــــــ كافي عذاب وبعد والعمر مرصود

لاالطائفية لاالمحتل في بلدي ـــــــــ يكدر يسوي شي والشعب موجود

رويدك إن النبض في القلب صاخب....والشوك في كل ثانية يكبر سنه
أصد دخان الوهم عني وفي غدي....ماضيك أعلن سطوته ويومي انفنه

ياناعس الطرف يوم الوصل قد حانا ــــــــــ يمته تجيني عاد مو كافي هجران

يامن بحبك قد هامت خوافقنا ــــــــــ كلبي يحلو الطول اشكد بيج هيمان

ماان ذكرتك حتى سال عن ألم ـــــــــــ دمعي وأظل الليل ابطوله حزنان

كفى ارحميني فقلبي بات منكسرا ــــــــ خلينا مثل الناس انعيش خلان