مسكين ات هن

عموما عندي كلام كثير ..يمكن لو أقوله سأرجم بقشور الرقي (البطيخ)
لولا خوفي من الحجيه كنت تزوجت أربع نسوان تقديرا لهم وأكراما...فهل بعد هذا تقدير للمرأه..؟؟
ستعترضون..قلت سأتزوجهن ولم أقل أغتصبهن..يقبلن بكامل رضاهن..يعني القاضي راضي المفتي صلاح الدين سلطان شعليه..؟؟

بالعكس صلاح الدين هو من يعقد لك القران. . تعال ألمانيا واني راح اشتري عمامة أم 4500 دينار ونلبسها لصلاح بحضور السكرتيرة مالته ومجموعة من المعارف وبعدين إذا عجبه الوضع يجي للعراق يسوي حزب ويدخل إنتخابات. . ونعاهده كلنا نصير بحزبه وكل أعضاء النبع.. بعد شيريد لبسنا عمامة أم اربعةونص

شي حلو...يقوم بدور الشيخ لربع ساعه وبس...بس العرايس منين نجيبهن ببرلين...؟؟
وبطريقنا أخويه شاكر الك ثلاثه يصيرن أربعه والمجموع سته..تلاثه الك وتلاثه الي...وروح أبويه ألف وحده تتمنى..لتصدك بالحجي والمساواه...

اي والله خاصة هناك يم صلاح يحبون الشياب وخاصة اللي مخلصين تتن

احجي عن نفسك أخويه شاكر..أنا عملت عمليه رجعت موديل 2016 والطبيب قال أنني ممكن أتزوج خمسه..

هههههه اني هناك أصير جديد موديل 2017 واحتفالات رأس السنة اقضيها مع صلاح الدين وأكون مسوي ترميم مافعله الزمن بقلبي

ابو صالح وقيس المعزة بالكوه يريدون يزحلكوني وبعدين توكع كلها ابراسي ههه
بعدين شيخلصني من الحجية وام صالح !! راح كلها توكع ابراسي هههههههه
قيس المعزة لو اتى معك والله سيرتاح والحبال الصوتية ستتحسن بفضل الله.
لكن قد اعلن الاضراب ولا يريد ان يبتعد عن الحجية ولو يوم واحد. ابو صالح حجته بيده ههههههههههههههههههههه
اهلا بكما ومرحبات واقولها من الاعماق بس مو ترجعون واتنشروني عل حبل ههههههههههههههههههههههههههههههه ديرو بالكم.
اهلا بكم واعيوني كدامكم.
خطر ببالي مثل اردت ان اكتبه ولكني تعوذت من الشيطان ههههههههههههههههه
.......................
تحياتي الاخوية الحارة للثلاثي المرح: ابو شاكر ، قصي الطيب وقيس المعزة ، ومن يحيطهما من الاهل ، والاحباب.
متمنيا لكم جميعا الصحة ، والسعادة ، والتوفيق.
اخوكم ابن العراق الجريح : صلاح الدين سلطان

الله يستر بعد عمليتك أبو صالح...لكن شنو رأي أم صالح أختنا بالموضوع...؟؟
بالنسبه لي الحجيه خايفه...أي حركه وأهددها...

يعني الامعقدها هو قيس المعزة ، كل مرة ويطلعه حجة. الحجية المسكينة ممعارضته بس هو يلكيله حجج. والله اذا جيت راح ترتاح وعيد راس السنة من اجمل الاعياد في اوربا ، والله عجيب وغريب هههههههههههههه
اتوكل على الله وتعال ويه ابو صالح ، عندك خوش حجه هههههههههههههههههههههههههههههه اليوم وصل صديق كان استاذ في جامعة بغداد وكان ملحق ثقافي وجايبلي بقلاوة ومن السما ابجوز ولب فستق امحمص والله تذكرتكم جميعا انت وابو شاكر واخي قيس المعزة وعواطفنا وبسمة العز. باجر اخلي المحرومين من معارفي ياكلون تعالو راح ادهشكم بطبخة ههههههه
والله راح تعجبكم هواية ههههههههههههههههههههههههههههه
هلا بيكم وعيد راس السنه راح يكون خير ابمجيئكم. قيس اتوكل بالله بحجة اترافق اخوك ابو صالح ههههههههههههههههه يعني باب الحجة مفتوح وعذرك بيدك هههه
اويلاخ لو تسمعني الحجية لدكلك ماريد اشوف صلاح ههههههههههههههههههههههههه اما ام صالح فتعرف اني امزح لكن ما كتبته واعنيه. والله عيد راس السنة في المانيا يخالف عن كل الدول الاوربية.
اتوكلوا على الله.
سلاماتي للحجية والله لو تقرة كلماتي راح ادكول: ردنا عون طلع فرعون ههههههههههه
سلاماتي لكم جميعا وان شاء الله نراكم هنا في برلين بسلامة.
اخوكم ابن العراق الجريح : صلاح الدين سلطان

صدقت أخي صلاح الدين..صدقت والله, عيد رأس السنه بأوربا رائع وجميل وقد حضرته في بلاد كثيره كانت أجملها بروكسل وأنتويرب ببلجيكا..يكون عيدهم أحلى بوجود رفاق تقضي معهم هذه الليله..يعني أصدقاء مثلك ولا أعني غير ذلك ...هههههه
ياأخي الأحداث حولنا رهيبه مهما هربنا منها فأخبارها تقض مضاجعنا...هموم خاصه وهموم عامه تمس الأمه والأهل...حلب وسوريا والعراق بموصله وشرقاطه وطمع الحاقدين وقولهم بالثأر للحسين من أهل الموصل مع أننا نعرف أنهم هم القتله..وحكايات وحكايات..

كن بخير ولك مني تحيه