مثل الحقل للماي مشتاكه روحي تعبت كلبي حيل مو خلص نوحي
تدري يبعد الروح شكد آنه أحبك اتمنه طول العمر عايش بكربك
تعبت كَلبي حيل من هاجرتني حزن الخلايق طاح كله اعلى متني
حزن الخلايق طاح بالحشا والروح كضيت عمري وياك بس تجي وتروح
تعبت كلبي حيل يابعد كلبي متكلي شنهو الصار عرفني ذنبي
ماتكلّي شنهو الصار واغدرت بيّه حتى الذي ويّاي صارو عليّة
كَضيت عمر ي وياك أسهر واداري تاليها تغدر ليش خاين أثاري
انته الخنت يهواي رحت وعفتني بالحسره والدمعات ماريحتني
بالحسرة والدمعات خلصان عمري ما أدري ليش يغيب بس هو يدري
ما ادري ليش يغيب ويمرمر الروح گلبي يريد هواي بس يبقى ميروح