كافي بعد يهواي اشلون اراضيك بالعين انيمك دوم وبالروح اداريك
بالعين انيمك دوم وبالكلب موجود متكلي يامحبوب يمته الي تعود
متكلي يالمحبوب يمته تجيني هدني البعد والشوگ يابعد عيني
انهجم بيته وياي وكتي على هالضيج انهض سبع نوبات عن بلعة الريج!!
هدني البعد يهواي وتعذبت الروح والكلب رحب بيك من تجي وتروح
انهض سبع مرات بالليل وتناك صدكني حلو العين من يمر طرواك
تتركني بالآهات والحزن جاليش دونك يحلو الطول مايحله لي عيش
دونك يحلو الطول ما تحله الأيام الوكت هدني حيل والعين متنام
شايف وجه البستان من يعطش بصيف هيج آنه روحي عليك من ما تمر طيف
الوكت هدني حيل والكلب معلول الوجه شاحب دوم والجسم مسلول