ومضات .. قفشات

ي يمّــهْ
عزيزة وكلبي ما يكدر
يشوف البيج يتغيّر
وروحج تذبل وتصفر
لو ربج يوافق والله راح انطيج
من عمري عمر واكثر

كضيتي سنينج الحلوات تنطينه
ولا فد يوم ذاك العوز
مر بينــه
وكبل لا نحجي تدرينه
يم كلب الجبير
ابنج لاتعوفينه

الله من عطرج خلق جنة عدن

يابني انه اعوفك ليش
وانت الروح والرية
ما أكدر أنام الليل
وابقى مفتحه يومية
لأن گلبي يخاف عليك
من عشكك للبنية

هذا جوعك يا شهـر
هواي مر اعلى البشر
والفقير يلم قـواطـي
نام جـوع وما فـطـر

ال مبلل حزن
ما يخاف امن القهــر *
والفاكد وطن
ما يهمّه شما خسر
وانه يا يمة قلب #
» دم ولحم «
بغير حب هواي يا يمّــة كفر
مثل شتلة
تظل تعاين عل نهر
هي يا يمة هوة
يل بدونه شلون يتنفس بشر

ارد احلفج بالقصيدة
هم تظل روحه سعيدة
من يفاركله وطن ؟
هي بالنسبة الي
هي ^
اكثر من وطن !
والفكد داره وقراره
غربتة بشنهي تفيدة ؟

اني اكلك
كلشي ياابني خسرت
الفرح وية السعادة
والوجع حقق مراده
وما بقى بس الحنين
والگلب دومه حزين
آني والله ما ردت
بس قسمتي اتهجرت
لا تحلفني يايمة
من القهر والله متت
لما صارت وبعدت

ودّعتهم #
يلعزيزة الجان ما عدهة دوة
خيتي جانت وردة بيضة
والشباب البيها يانع ~ ما روة
ما تحمل فركة ابوي
وكلها تانيني
نموت احنة سوة
الوطن يا يمة ما داواهم
الوطن يا يمة ما مش ؟ عافهم
وعن قريب الوالدة
وما جنينة من الوطن شمّة هوة

شكد تحبين الغياب
راح اسميج وي روحي » الغايبة «