المنافق لاتتركه ودوم حجمه ودمك لو فسد ياترف حجمه يظل الماعرف قدره وحجمه يكول بكل وكت انه شبديه
انتظرتك ياحلو وفرحت بهلاك وكل شامت اريده بضيم بهلاك أحب رسمك وأرحب دوم بهلاك ومن تبعد تظل ظلمه عليه
فاركني وهمت ليلاي بيداي وكلبي هليون ياصاح بيداي اريد احفر كبر ياروح بيداي واطمج كبل ميشمتون بيه
كضيت العمر كله بسمني ولامره الليالي بسمني شعلامه انتقم دهري بسمني أخذ كل اليريده اشظل اليه
زماني حد علي سيفه وسله كلبي صابه بسهامه وسله قدم بيه لعب طوبه وسله حسافه اللي حدث والصار بيه
شاب الراس ماعندي ولاسن زماني وياه اتكاوه ولا سن طلبت منه يسن سيفه ولاسن كصد موتي بعذاب يصير اليه
من الزمن رحت انحرت بيده لتطخ راس لولاواك بيده صير ويه الأخو وللعدو بيده تره الفزعه يصاحب بالحميه
كضيت العمر عنه بعيد هايم وبقيت انطر منيتي تجي هايم مثل مفطوم صاح وصرخ هايم ارحمني يولفي ومر عليه
شعرج آنه أقراه ونتي كلبي سره عند اليفهمه ونتي كلبي اكتبي ولاتبطلي ونتي كلبي وراح ابعث الج احله هديه
تغيب الروح بغيابك وأ ردها ترة بلياك تنطر من يـ ردها يبس كل الزرع حتى وردها شمس انت وتنور الدرب ليه
رد: الأبوذية
العرض العادي
