دارميات عراقية 3

تدري من يمر طاريك ارتاح آنه

اشوكت يامحبوب ترجع ويانه

هذا الكَلب مليان طيب ومحنّة
من يمر يملي الكون انسام جنة

هذا الكَلب مليان عزه وكرامه
ما يقبل التجريح بسّك ملامه

مايقبل التجريح كلبي يغالي

بس انته لوماريد محد حلالي

لو انت لو ماريد حبّك سباني
خلاني طول الليل أنطر واتاني

ياطير الله عليك ماشفت حبي

سلملي بله عليه وسلمله كلبي

لو انت لو ما ريد .. مهما حصّلّي
ما راح أبدل الزين كَلبي يكَلّي

ما راح أبدل الزين لو خيروني
اشلون اشوف الناس وهو عيوني

ماراح أبدل الزين هو قسمتي

هو السعد ياصاح يبدد وحدتي

اشلون اشوف الناس من دونه آني

تايه ومندل زين حبه عماني