يل بروحي شدير الوجه شكفاي ولو جرح البعد يا صاح شكفاي أشاكف بالسيوف وألك شكفاي واكول جفوفي طاحن ذني أديه من كلماتي
ماجراني انه الجريت حبلك ** ماجراني وانه من ضيم دهري ** ماجراني سألني ألاصل كتله ** ماجراني عرف مجراوي انه وخان بيه
أشماله الدهر ياخلي ولاني أصبحت لا مشوي بناره ولاني بعيد ولا تجي يمي ولاني أجي يمك تطفي النار بيه **************** كَلبي ما تعب منهم ولا مل وأبد للغير ما يهوى ولا مل هلي ما سألوا أعليه ولامل البعد موت كَلبها أشلون بيه
روحي تريد منك بس تمرنا خدم ونطيع أمرك بس تمرنا أشحلاته التمر عدك بس تمرنا تضوكَه تكَول مر أشلون بيه
لساني أشبيه بس يلهج بسمها يا حيه وموتت روحـــي بسمها بفرح خالاتها تهلهل بس أمهــــا تكَضي الليل بس تبجي عليه
عسل جنت انا أضوكَن من أبوسه فوكَ شفته وكَلبي أنمرد يوم اليمشي وي الغير شفته أريد أسأل يا مجروحين قاضي العشكَ شفته عليه لمن هجرني وخان بيه
بحزن لبجي دموع العين عالراح وأدكَ والطم واطكَ الراح عالراح وأظل أطحن هموم الروح عالراح لحد ما أموت لو يرجع اليه
الك حن الكلب يسمر والك مـــال وذاب الكلب من هجرك والك مال ولاني ناجح بحبك ولا اكــمــــال طلعت راسب واكولن حيـــل بيّه منقول
هويته وجنت أظننه هواهنا وهوا المر بيك يا مدلل هوانا نسيته المن زغر حبك هو انا أكبرت يسمر أشبيك وخنت بيه
احبابي شلون حالتكم بعدنه؟ شبدينه والوكت عنكم بعدنه؟ اذا انـتو نسيتوا،احنه بعـدنه بذكركم كل صباح وكل مسيه
رد: الأبوذية
العرض العادي
