گالولي باجر عيد يالما تنشدون كل عام وانتو بخير لمن تمرون
گالولي باچر عيد مدري شچرالي من رحت عني بعيد خربطت حالي
گالولي باچر عيد والدمع طايح والوجع صار جبير من كًتلي رايح
گالولي باچر عيد شنهو التريدين گلبچ ترة تعبان سكتي ولتحچين
عيدك مبارك دوم وبهناو افراح بلجي تجي ياصاح وتزيل الجراح
كالولي باجر عيد المن تهني خلوني كلت ابعيد ابجي وغني
كالولي باجر عيد مدري اشجرالي حالتي حال الضيم وسهر ليالي
بعدك سلاني وزرع كل الوجع بالروح ما ردت جيتك عطف ردتك ابد متروح
ارجع إلي بدنيتي وشوف الگلب مفتوح عطر الورد من تجي من كل مكان يفوح
ظليت أنطر دهر ديهل هلال العيد يمته تردن إلي قبل الوجع ميزيد