حبي إلك مثل الماي وأصفة ما أكدر أبد أحجي ووصفة ترة طبتك عليه عدال وصفة تطيبني ونرد الروح ليه
اسمك بالكلب ساكن وجدماي = محال انه اطفيها وجدماي كلي شلون اصل يمك وجدماي =تتراجف واظنها تخون بيه
الزمن ما يوم فرحنه وسرنه بدرب الخير عدينه وسرنه ما جانه خبر جيته وسرنه اركص حتى وانثر واهليه
منو الجابك الشوفي وعنك معقولة الهوى هزك وعنك ترى الناس الحجوا عني وعنك تغار تريد مانكعد سوية
أيامي المضت يا صاح ونها حسرات الصدر ينسمع ونها جنت آمر وانهي كبل ونها صرت بزمن بس يأمر عليه
مدلل بالحسن لا بسله حله كمشت خده وصرخ يهواي حله كتله وين تسكن كال حله عراقي ونخوتي تبكه سجيه
كلبي احترك من هجرك وجدماي كلي شلون اطفيها وجدماي شلون اكرب واصل يمك وجدماي ترعش والهجر ولفي أذيه
والقلب ينشد على اللي يوده ياأم النبع وحنه وورده
راحن للمحل سمره وشكره عليجن الله ساعدني وشكره مو مر العسل ريكه وشكره ميضر العسل لوخذت ميه
درب المحب كلي روج جنبي اتمنه كلتله تصير جنبي والله من دربكم صار جنبي شوفني الهموم وكل أذيه