گلبي نشدني عليك =كتلة حزينة يمتة تحن وتعود =تسكت ونينة
گالولي راح بعيد= كتلهم يعود هو الأمل للروح =والباري موجود
يمتة يهل العيد =ويلتم شملنا وية الأحبة دوم = وبكل أهلنة
يمته يهل العيد = يلشوفتك عيد بس انته لترجاك = غيرك فلا أريد
يمته يهل العيد = يلشوفتك عيد بسود أنا بلياك = ما البس أجديد
من غبت عني بليل =ماكو بعد عيد عيوني تهل دموع =ولا أعرف جديد
مشتاگة مو هدني البعد = والشوگ جاويني منهو الي يداوي الجرح =غيرك بعد عيني
جفف عروگي الصبر = والوجع عاميني حتى المطر هم رحل = منهو الي يرويني
من غبت عني بليل = صار العمر ليل ودعت صبحي وياك = عن ديرتي يشيل
تدري العمر بجفاك = يبست شجرته لو شفت وجهي اليوم = جا ما عرفته