اقتباس: المشاركة الأصلية كتبت بواسطة محمد الفهد افرح انه بملكاك يلبجسم روح بكيفك بعد يهواي تاخذها وتروح خذ روحي ولفي وياك مو تعبتني كا في هجر وفراك مو عذبتني
امبارك ولف علخير يلوجهك العيد بمظروف اودي الروح والكلب والايد
دزيت الك أشواك وأوراد يهواي غنيتها موال واعزفت علناي
تحيرت بالموال لمن سمعته بس العزف عالناي رأساً عرفته
لا جاني لا موال منك ولا ناي عطشان انه اعلى هواك يل شوفتك ماي
الكلمة رشّة طيب عطرك ترسها باشعارك الحلوات تشرق شمسها
تشرق شمسنه اليوم من جيتي يمي عفت الأهل والناس وخالي وعمي
عطر النبع فواح جوري امن اشمه واهل النبع بالطيب طفل اوي امه
اقتباس: المشاركة الأصلية كتبت بواسطة عواطف عبداللطيف تحيرت بالموال لمن سمعته بس العزف عالناي رأساً عرفته رأسا عرفت الناي بي ألم كلبي مثل الحمام يون دومه عله دربي
مثل الحمام يون من فاركتني شسويت انا وياك رحت وعفتني