البعد هد الروج والكلب بنياح ابكيت وسط الماي مكصوص الجناح
ابكيت وسط الماي والگلب مالوم شنهو لجنيته وياك زيدت الهموم
لاتحسب الصدمات لاتحسب هموم هم التشيله الروح يزدادا كل يوم
هم التشيله الروح يمطر الگ دم والجرح من فرگاك ما يرضه يلتم
هم التشيله الروح مامثله موجود لا لطم عالمتنين لاخرطـة اخدود
كافي قهر يهواي كافي ملامة نهر الدمع مرسوم عالخد علامة
نهر الدمع مرسوم علوجنه كالخال والحزن طول الليل مثل المطر سال
شنهو الجنيته وياك كل جسمي نحلان بوسط البحر ظليت وكليبي عطشان
الحزن طول الليل هدني ولواني متكلي يامحبوب شمسوية آني
بوسط البحر ظليت انطر يجيني حتى السمچ بالماي يسمع ونيني