الف دارمي ودارمي بقلم عامر الحسيني

	883 لاموني كـــل الناس جي لني احبك محد دره بشريان كَلبي وي كلبك ردا على ماما عواطف

	884 يمه الحزن بالروح خزن مكاتيب بيت الشعر نقراه منهو الذي يصيب

	885 بيت الشعر نقراه وجروحه سبعه جرح بجرح مخزون بكَليبي طبعه

	886 حدر الكَلب ضميت اسمك خفيته واسمع صداه يكَــــــول حبي لكَيته

	887 رغم الحزن والآه رغم الأذيه تبقى حبيبي الروح خي وي خيه

	888 يمه الجرح بالروح محد يشوفه بس الوفي المحبوب هو اليروفه ... رداً على ماما عواطف حين ساجلتتني بقولها محد درة بشريان عندك نسيته انطر تردَّلي بساع شفته ولگيته

	889 يمه اليوافي امنين ..؟ ماجنه انسان ياهو التلزمه ابايد شو روحه شيطان ... رداً على ماما عواطف حين ساجلتتني بقولها ادري الجرح بالروح محد يداويه بس الوفة يايوم هم صعبة تلكيه

	890 هي المحبه اشكال والطيب ايحب والمايحب الناس ما ينفعه الطب

	891 خليني اداوي اجروح يل جرحك الصد كَوم اعتذر هاليوم خل للزعل حد

	892 خليني اشوفك دوم ها بالك اتغيب تدري البعد جتال والخايب ايصيب