كلبك علي ياحيف اتغيرت اطباعه جنت اضبط اعله هواك عقرب الساعه
لا تهمل الحبّوك وترضى الخديعه واليشـــتريـك بيــوم بالك تبيعـــه
لا تهمل الحبوك وتبيع ودهم وتروح سد الغير وتعوف سدهم
لاتهمل الحبوك ياصاح تخسر مثل الفلك دنياك كل لحظه تفتر
كل يوم اكَول اليوم يكَبل المحبوب وبــاجر يمر ويـروح.. صبـرك يـ أيـّوب
باجر يمر ويروح هم بعد باجر انت اخترت محبوب بالحب يتاجر
باجر يمر ويروح ونت بمكانك موخلص كلبي عاد ويه زمانك
مو خلص گلبي عاد اشلون أراضيك بس كلي يالمحبوب يمته الله يهديك
بس كلي يالمحبوب لمته أوافي نارك تضج بالروح وماكو مطافي
بس كلي يلمحبوب وين انه الكاك نار الكلب يفلان تسعر بفركاك