ومضات .. قفشات

مخنوكـ أنة و دمعتي
فضحت نوايـا الحـزنْ
وخلي الاخذ بسمتـي
لا يذكـر و لا و يِحـِنْ

أريد انساكـ ..
بس كلّي الطريقة شلون
ولك مزروع كلك وسط هاي الروح
أشلع كلبي لو العيون

يغص بالهوة
المفاركـ رفيج الروح

اذكرينـي
اذكريني يالحبيبة بكل غروب
اذكريني اشما كصت بيج الدروب
اذكرينـي
شما ندهلج واحد من اهلج تعاي
ذاك اسمج وانة من ألهج حروفة
مثل شمعة بليل اذوب

مستبرد بنار الهجر
وبشوفتك أتعافى

شازرعلك ، ورد ؟
كون أنت تشتم بيه
مو ازرع واتاني
وبالصبر أذبل ...

حسرة بأثر رجعي ,
من رحت لليوم .. !

خلها وياك روحي
ما اريدن روح
بس تذكر هواك الراح

تعاي
الخاطر الله
حتة اكولن عيد ، هل اليوم
وآنة بجيّتج
مثل الطفل أفرح

آه لـو تدري الحـبـيـبـة بحالتـي
من شفت شيب العشك بمرايتي
افكدتهـا ، واذكـرت ذاك الحنـان
هـاي أيّـام الحـزن ، مـو مالتـي