دارميات قلعاويه عراقيه

اْ جمع احروف اهواي خمسة مواويل *** بيهن دوه الكل داي ريحتهن الهيل
*****

اْ حلف وحك عيناك ماشفت راحه *** من الصبا الهليوم روحي ابنياحه
*****

والله الدهر دولاب صاعد او نازل *** احسب احسابك زين عوف المراجل
******
صوبت سهم الشوك طيحت طيره**** غنجه اووسيعت عين من الحفيره
*****

يلمنحدر بشراع لمريبي زتني **** للواوي للبطاط للسود نتني
*****

سيد سعد موجود بالقلعه داره **** كون اْ زلف انه اوياك حط بيه شاره
*****
حسبالي صندل طك**** من شفت خده
ثاري الحمار البيه **** ورده علا ورده
*******

هيله أشكبرها ألعين من تصد ليه ** أنشغ سبع نشغات وتموت أديه
*****
هيله وثلث تنعام بيكم ولهدوم * * من كثر وني عليج سردت الهدوم
*****

ما عندي عين تشوف كسرك يعمي ** ***** خلني بحزن وبعيد غارج بهمي
********************************
للشاعر علي كاظم درجال

ما عندي عين تشوف كسرك يا عمي ،،، خلني بحزن وبعيد غارج بهمي

سلمك الله أستاذي علي
و صح لسان من كًالها
بس تحتاج بعض الكلمات توضيح
ليفهما أخوتنا العرب
تحياتي.

يلمنحدر بشراع لمريبي زتني **** للواوي للبطاط للسود نتني
/
/
بالقلعه شال هناك حط ونساني
أصبر على فركاه ما علماني
/
/
يا بو غرب منساك يا أول صباي
أسال عليك الناس كل رايح وجاي

الاخ علي الربيعي
مريبي .. أبو غرب .. الثمانية .. العدل
أسماء لمناطق ريفية كانت من أجمل مناطق العراق
بطبيعتها الجميلة وبساطة ناسها
واهوارها الغنية
والتي مع الأسف جار عليها الزمان
فحولها إلى ارض جرداء

تقديري لروعة ما جاء في صفحتك

الاخ وطن النمراوي والاخ محمد الفهد الأعزاء على قلبي شرف كبير لي ماسطرته اقلامكم الذهبيه اتمنى من الاعماق لكما ولجميع اعضاء المنتدى الادبي الصحة والسعاده ،،، تحياتي واحترامي