قصيده

ضاعت حروف ألعراق

ألى / ألأستاذة عواطف عبدأللطيف

أشلون ما ترديني أخاف
أشلون ما أضيع ألأمل
ألدله ماتت بالمضايف
والفرات أشماله وي دجله
زعل
والعراق حروفه ماتت
الألف مذبوح غارك
بالدمى
أللام مات
وروحه صعدت للسما
ألعين طش بيها ألعمى
ألراء بيه ألنار وجت
وأشتعل
وأحترك وياه ألقاف
ِأشلون ما ترديني أخاف
أشلون ما أضيع ألأمل
صار حتى ألموت عدنا
مو مثل موت ألبشر
ألموت أجانا بليل غفله
مات بينا وأنتحر
ألموت قسمنا أنصاف
ألموت طششنا وصل
أشلون ما ترديني أخاف
أشلون ما أضيع ألأمل
هناك..... راس لطفله
خايف
ويمه راس لطفل جان
يريد يضحك
من أجاه ألموت غفله
ألضحكه ماتت عالشفايف
هناك طار بعيد جف فلاح
لازم منجله
غبشه طالع للعمل
أشلون ما تردين أخاف
أشلون ما أضيع ألأمل
وعالرصيف أجفوف طالب
لازمه بقوه ألكتاب
ويمه دفتر بيه كاتب ذكرياته
للحبيبه أمسطر أحروف
ألعتاب
وذيج شيلة أمي تصرخ
يمه وين أعكال أبوك
تريد من عدي ألجواب
شرد أكله
أعكال أبوي أغتاض من عدنا
زعل
لو مشى أيودع بناته
سلوى وسكينه وعفاف
والزغيره ألشكره ألحليوه
(عسل )
أشلون ما ترديني أخاف
أشلون ماأضيع ألأمل
بالمدارس...
ساعة ألدك ألجرس
ألمدير لوحده واكف
أصطفاف
ومن رفع بيده ألعلم
ما لكى أتصفك أجفوف
بس لكى ألرحلات تبجي
بالصفوف
مثل ما عباس بالطف
دارت أعلينا ألطفوف
وما لكى حتى ألخريطه
وما لكى أسم أ ل ع ر ا ق
وراد يكتب من جديد أسم
ألعراق
ماتت بجفه ألحروف
ماتت بجفه ألحروف

الأخ الكريم الشاعر الجميل

حسن هادى الشمرى

جرح العراق نزفه

سايل على خدودنا

والنيل بيحضن ف الفرات

يكشف مصيبتنا

ولا ضفاف دجلة م القهر بتنادى

لكن جنود المعتصم

مالوا طريقتنا

نصرنا الله جميعا

الحرف مثقل بالحزن
والعبرة تخون العبارة
ربي يفرج هم العراق واهله

توقفت لأشكرك على كرمك
وأضع نسخة منها في نبع الهدايا

وأغادر على أمل العودة من جديد بما يليق

تحياتي وتقديري

أروع قصيدة قرأتها تتحدث عما يمر به العراق

سلمت يداك التي وضعتها على الجراح وشخصتها

ستزول المحنة ويعود العراق إلى أبنائه الحقيقيين

قلم رائع وصف الأحداث فأجاد ورسم الجراح فأبدع

تحياتي ومودتي

[أحمد الدراجي]

تثبت ولي عودة

يا صديقي

رغم ضعفي في اللهجة العراقية
إلا أن الكلمات
نخرت وجداني
......
وكما قال أخي الكبير عبد الرسول معله
سيرجع العراق
محج الثائرين الأحرار
والغر الميامين
تحياتي العطرة

لا تگلي آني آخاف
منو اللي يسهر علينة
منو اللي يحرس وطنه
منو اللي يمسح حزنة
منو اللي ياخذ بيدينة
لو زلمها من الجرة صارت تخاف

لا تگلي آني أخاف
حتى لو جان الثمن هو عمرنة
گلب واحد إيد وحدة
لا شقاق ولا نفاق
لازم نعيدة لمجدنة
ومن جديد
نجمع حروف العراق

لا تگلي آني آخاف

الأخ العزيز الشاعر المبدع /منصور عبدالغفار
شكرا"لمرورك على قصيدتي .وأمتناني لكم مقاسمتنا الجرح ونزفكم دما"من العيون وسننتصر على قوى الظلام بعون الله وبوقوفكم معنا وفقك الله مع اطيب التحيات .

الاستاذة شروق العوفير /شكرا" لمرورك
ليس الحرف وحده مثقل بالحزن . نحن مثقلون بحزن أكبر بوقوفكم معنا وبدعواتكم أنشاء الله سيزول الهم عن العراق وأهله تحياتي وتمنياتي لك بالصحة والسعادة الدائمة .