ألف دارمي ودارمي 2 عامر الحسيني

	1001 ريتك تجي وتشوف كَلبي بلياك صبخة بجفاف بكَيض بفطوره ناداك

	طلب اخي الحبيب علي Ali Anisar‎‏ ‏(شاعر الورود)‏ دارميات من اجل نصه المسرحي فكتبت له هذه الدارميات الخمسة والتحقت باخواتها تباعا 1002 شوف العراق وشوف كل الحضاره فرقوا شعبنه اسنين صاروا دماره

	1003 هجروا طموحي اليوم أهل المناصب خلوني حاير ليش سووني شايب

	1004 ماظل أمل بالروح والدنيا ظلمه طفل بوسط ايتام والخبزه حلمه

	1005 وين العقل يا ناس وصخه المدينه صار الفلس مقياس وفنونه بينه

	1006 خل نعمل انه وياك نبني وطنه كَلب بكَلب مربوط يربات اهلنه

	وعاد الاخ الحبيب لطلب ابيات اخر بنفس المضامين والمعاني مختلفة فكانت هذه الابيات الخمسة ليصبح العدد 10 ابيات دارمي في نصه المسرحي 1007 خلي طموحك فوكَـ فوكَـ النجم حيل وامشي بطريقك دوم لو جلجل الليل

	1008 اصنع امل وافراح وانشر محبه عوف البشر ترتاح كلمن بدربه

	1009 راي العقل مريود اسأل جبيرك وارسم رسم معقول تعرف مصيرك

	1010 لو رايد الاصلاح شوف البداها ولكل قفل مفتاح ربك هداها