شاعر والوطن محتاج عنوان
المطلع قصيده والحرف مدفع
شاعر والوطن محتاج انسان
يتعاتب ضميره لو فته وشَرَّع
شاعر والوطن محتاج فرسان
المطلب رجوله و چلمة التنفع
شامت مانريد ولابزر شيطان
يتباها بصلافه وللنذل يركع
ولا واحد يزاحم لگـمة الجوعان
والممحل وريده وعينه ما تشبع
ولاخاين يساوم ميت الوجدان
يحل دم العراقي وللردي يخضع
عراق وبيه كلنه نصير خوان
ننبذ كل وضيع بخزيهـ تبرگـع
سالم ياعراق وعالي الشان
يل منك جمال الكون يتفرع
حسن الشيخ ناصر