عذراً عذراً مامش شكراً
يالتكتل بالوادم سرّاً
الوادم خلّصها لعيبي
بخنجر أرعن
يالتحچي بذوق الإسمحلي
وصبراً صبراً
چلماتك خايب ماعبرن
دم احميد بيه نطالب
ودموع المظلوم يعثرن
اطيناك السر المخفي وگلنه ترهدن
وانته تسولف ويه فلوسك
بلچي يكثرن
ودردم چايمته يكبرن
وكل كنوز بلادي بعبّك
وعيونك صلفه وماشبعن
گبلك غَنّوا طور عليوي خلّي يولّن
چاهلبت من شفت الواوي ردنه مسَرْفَن
رديت لطور الحياوي وگلت اتمعّن ؟
خليك بچلمة ما أدري وچلمة يعمن
وخليك بطورك الامريكي بقاط مسلفن
همسه :
للظالم :
ما أحچي وياك آنه مشفّر
بخت اعراقي هوه الشوّر
للعراق :
بوسه لخد كل شعبي الصابر
ومن دم كل طاهر اتعذر
حسن الشيخ ناصر