على بختج يروحي

شكد صبرج يروحي وافكاج الضيم
من اربعطعش ولهسه مقهوره
لو عديتي ايام السرور شواي
اضنج مره بالسنتين مسروره
دستي اعلى الجمرحضج حوجلج هيج
كلب محروك بس ادريج مجبوره
نسوج الامس كالولج فلا ننساج
وابيت الامل ظليتي مشموره
بنص بحر الظلم بلمج بلاي شراع
وعكس تمشين والغرافه مكسوره
دورتي الوفه والغدر حايط بيج
مكروده وحسبتي الناس عل صوره
مديتيله ايدج يوم طاح ابير
بعد ما طحتي صاح ايديه مبتوره
يا ناعور هم توكف وهم ترتاح
بس كلبي الابد ما وكف ناعوره
بستان الورد ذاك الزرعته هناك
وسكيته بدمع كتلي انته ناطوره
بستان الورد بس اسمه ظل بستان
شو ما هوه ظل هناك بس سوره
هواي جروح منك خلصن لخيوط
شما كولن عليك وروحي معذوره
عرفتك من زمان وجذبتني الروح
بعد ما جيب بلمي واشله بخوره
حرامي الليل لابد ينفضح فد يوم
يفضحه الصبح من يطلع عليه نوره

الله الله
وجع ممشط بمداد الفتنة والجمال
قصيدة تلج القلوب من أوسع أبوابها
وكأنها عزف على الناي الحزين
للروعة أنت

اقتباس: المشاركة الأصلية كتبت بواسطة حنان الدليمي     الله الله وجع ممشط بمداد الفتنة والجمال قصيدة تلج القلوب من أوسع أبوابها وكأنها عزف على الناي الحزين للروعة أنت

القديره حنان الدليمي
شكرا لذوقك الجميل
ومرورك الذي يسعدني كثيرا واعتز به

تحياتي وتقديري

انها معزوفة حزينة تبعث على الوجد والشوق

بغدا كم تغنى بك الشعراء وقدرنا أن نواسيك

تحياتي

رائعة بوجع دجلوي

قلت فأبدعت

شكرا أستاذ علي

اقتباس: المشاركة الأصلية كتبت بواسطة الدكتور اسعد النجار     انها معزوفة حزينة تبعث على الوجد والشوق بغدا كم تغنى بك الشعراء وقدرنا أن نواسيك تحياتي

القدير د.اسعد النجار

اسعدني مرورك على حرفي
اشكرك كثيرا

تحياتي وتقديري

	جميل ايها الجميل بانتظار جديدك اخي الحبيب الشاعر أ.علي عبد الحسن ذكرتني بصورة الشاعر عريان السيد خلف في قصيدة ردي ردي "مثل ناعور كمت اترس وابدي" ما اروعك

النبع يسأل عنك

نتمنى أن تكون بخير

لهذه الصور المتعاقبة، المتسابقة لاستعراض أحقيتها بالفوز، تتسابق الرؤى لاحتضانها.
شعر بمنزلة وصايا جمال.
سعيد بلقائك سيدي.

كبل جنت بامل يصحه العراق بيوم
ويرد الفرح لدروبه ولدوره
كبل واحد حزب يظلم بهاي الناس
الف صارو ونفس النسخه والصوره
.........................
اذا اخيط جرح تنزف جروح هواي
خلصت الدعاء وخلصت انذوره
وانته ولا يفيد وياك غير انساك
يلعيدك محرم وانته عاشوره

اخي علي المحترم
اعذر تواجد حرفي المتواضع في صفحتك
التي دائما يكون فيها لحرفك لونه الخاص بالر وعة

تحياتي وتقديري