امسك حرامي

امسك حرامي

************
امسك حرامي
من لسانه
جمّع الناس
يعرفوا أصله
عشان تبقى الحقيقه مجلجله
خدع العيون
بشوية الحركات
وقلنا شاعر الجمهور
وصاحب منزله
أتارى مداري
لص جامد
طلته وكر ادعاء
وعيونه راضعه حنجله
يطلع علينا
بالطهاره يدّعي
يحكي حكايات
والغلابه يصدقوا
يدهن كلامه
بالنفاق حبه
وحبه يلزمه
ينجرّ ف دور مرجله
حفظ الجميع شعره
وتاري شهرته
من سرقته
ظن الأمور
ممكن تمشّي
لجل يضحك ع الدقون
شال طبلة التمثيل
وطبلته مذهله
فجأه
يبان إنه حرامي
يخسر العشاق
ويخسر مهنة السرقه
يجوع
تنطيط على الشرفا
وجوع اللص
أكبر مشكله
امسك حرامي
من لسانه
واقطعوه
علشان يبطّل يدّعي
واوعوا
يصدق حد
صوت الطرمخه
ويكون سفير المهزله
لازم يعاقب
طهروا الساحه
من الأفاق
بلاش نبني جحور
تأوي العقارب
دا العقارب كلها
قرص الخيانه تحلله
امسك حرامي
من لسانه
قبل كدبه
ع الوضوح
ويبرطل الواد
ع الحقيقه
أو تموت المسأله

شعر : ياسر الششتاوي
21 ـ 4 ـ 2011

عملوها ...... الروم
في يوم .......معلوم
نامــــــــــــــوا الحراس
كســــــــــــروا الترباس

بنمسك مين ولا مين من الحرامية يا أخي
يا الششتاوي ... جميل ما قرأته لك وننتظر
منك الأجمل . تحيــــــــــــــــــــــــــــــــاتي

أمسك حرامى ع الودان بيزن زن

يجرى بدلع ميكاب نعومة م العفن

والصوت يشد ف الشناب ويا الشباب

علشان يطولوا كلمتين أو دمعة وف لحظة شجن

شفت الحرامى ياجدع قادر وطالع ف البدع

قالوا دا انت المنتظر شاعر كبير

والخيبة صدق للنفاق بكلام كتير

والناس ف نظرة نقورة

تقطع لسانه ديله يلعب مهزرة

علشان كده لازم له بتر

من الحياة والمقدرة

تحية لك أيها الشاعر القدير

قبل الدخول الى القصيدة

اهتقدت أني سأقرأ عن أحدهم سرق نصا شعريا وتبناه

وهم للأسف كثار كثرة الأقلام المتطفلة على الثقافة العربية

أما السراق الآخرون .. فلن يمسك بهم احد

لأنهم هم من يحمون ما يسرق من السرقة (حاميها وحراميها)

شكرا لابداعك

ودمت مميزا كما أنت

بالعكس
هم من يصعدون
وهم من يكونون متواجدين في كل مكان
بعد ان تغيرت القيم

دمت بخير
تحياتي