على الدرب سائرون / الى الأستاذة مرمر القاسم

على الدرب سائرون

عهد الى الشهيد البطل الرئيس أبو عمار رحمه الله

الى / الأستاذة مرمر القاسم

أشلون أتمــــــــــوت ...
أنت الموت
وأنت الما يفوتك فوت
يا ثورة شعب ...
ويا عشكَ ثوار
يا طكَ الفشكَ يا الما سكتلك
صوت
يا عالي وبخيت ويا شرف البيوت
أنكسر ظهره لعظمتك وأنحنى
التابوت
ما كََََََََدرواعليك يقاتلون رجال
ودوا موتهم غفله الك بسكوت
وسفه أعلى الزلم غفلت وأجاها الماي
أشلون الماي يكَدر عالسدود
أيفوت
طش بينا الحزن من موتك لهليوم
ما نزعت حزنها لهلوكت بغداد
وما ضحكت بعد موتك أبد
بيروت
ظل لليوم حزنان التفكَ والنخل والزيتون
راح الجان موت أعلى العدا وسيف
وغضب طاعون
يا سيف المثنى وصولة القعقاع
ويا عصاة موسى الغركََََت فرعون
بعد بيش أنتنخى لو يمرنا الضيم
وبعد بيش أنتد فه من برد كانون
ظل السيف خايف والكرم خجلان
ومضايفنا زعل بيها الرغيف وعافها
الماعون
وبعد ألمن البيرغ ينحني ويكول أنا
الممنون
أكو غيرك يمينه شايله الرشاش
وباليسره محامي شايل القانون
وعلى يا راس بعدك يفتخر العكَال
معذوره وألف حقها أذا من دم
بجت العيون
دفناك بحزن وي صلاح الدين
وكتبنالك قسم بيه أحنا عاهدناك
وحقك يا أبو عمار
( نحن على الدرب سائرون )

الاستاذ حسن
ثورة من حروف بوجه المحتل
وعهد جميل

نعم الهادي ونعم المهدى إليها

نعم على الدرب سائرون

حماك الله
دمت بخير
تحياتي

الأستاذة الحاجة عواطف عبد اللطيف
شكرا ًلمرورك الجميل الذي يزيدني فرحا ً وعطاءً
سيدتي : وهل لنا درب غير هذا الدرب وعهد غير هذا العهد
ففلسطين قضيتنا الأولى وجرحنا النازف .وثورة حتى التحرير
والنصر ....... تحياتي