قصيدة ( كمين )

كمين*
الشاعر كاظم الوحيد

ــــــــ
ما أريد اذكرك بالكَلت
بس انه الك أرهم
يل عطرك دوه للروح
من غيره فلا أشتم
أغفه واريد النوم
صوره وصوت
بيك أحلم
عمري وياك ..انه محتار
أظلن بيك ما أفهم
جرحك عيب الدلال
ما بطل ولا أتعلم
شجاني تعلقت بيك
يمكن حظي مصخم
لون انه خفت وبنار
تناديني هم التم
جاوبني بصراحه ..أرجوك
من تجرحني هم تندم
شيبات الحواجب
صارن مبينات
مابين الحزن والهم
ضاع من العمر ثلثين
والثالث صفه مهدم
جهبت الجرف ..من عطشان
لكَيت الماي ..مر علكَم
جرعته وبنفس لهفان
أشوفنك فلا مهتم !!
طلع غدرك كمين وياي
فوكَ الزهر ..هم بي سم
فوكَ الزهر هم بي سم

*كلمة كمين مصطلح عسكري يستعمله العسكر للأيقاع بالعدو او ما يسمى بالمصيده

بعد كل اللي جرة والصار
تزيد الهم فوك الهم
من بُعدك أجر الضيم
تالي تگلي ما أهتم
آني اللي وفيت وياك
وآني اللي زرعت ورورد
وآني لتفرح بملگاك
ما جنت أنتظر تتندم

اعذر مشاركتي المرتجلة رداً على إطلالتك في النبع

أتمنى لك طيب الإقامة
دمت بخير
تحياتي

جميلة حيية بهية

وتمنيتها لو تكون متحركة

فالجميع هنا قد لا يتقنون اللهجة العراقية

فيأتي النص مرتبكا

رغم أني قرأتها كما أنزلت

تحية لك ولجمال حرفك وروحك

رائع جدا صح لسانك ,,ممتن جدا