قصيده ما نسينه

ما نسينه
ـــــــــــــــــــــــ
أنته لو تدري بمكانك
ما تفكر تجرح
وتقسي علينه ,,,
وانته لو تعرف غلاتك
وروحي هاي الهاويه
بعشكَك رهينه ,,,
جان ما كَتلي بوكاحه
راح وكتك غير
معشركم لكَينه ,,,
شنهي كَلي الغيرك
وانته زين تدري
غير حبك ما هوينه ,,,
شنهي كَلي البدلك
وانته ليليه جنت
تغفه على أدينه ,,,
يامه شلتك على اجتافي
من شفت جدمك
تعب لمن مشينه ,,,
وين حلفك ,,وين عهدك
يامه سولفنه شكثر
يا مه حجينه ,,,
أسأل كَليبي شكثر
ينشد عليك
وانته بأذنك تسمع بدكَاته
وتحس بونينه ,,,
دموعي رخصن لأجل حبك
وكَبل لا دمعك نزل
احنه بجينه ,,,
لا مكاتيب وصوري ذكرنك
ولا مشاويري النست
ساعة فرح تبجي حزينه ,,,
وانته كومه أسرار
مودعه بصندوكَ
روحي عله العهد
ظلت أمينه ,,,
حتى شرياني جرحته
وأختلط دمك بدمي
وعله المحبه تعاهدينه ,,,
هواي محطات الوكَف
بيهن قطاري
وكَلبي عندك يصرخ
بكل عالي صوته ما نسينه !!
وأنه أجيتك رغم سهمك
المارد جبدتي
أطيني كَلبي ,,,كَلبي وينه
أطيني كَلبي ,,, كَلبي وينه
الشاعر كاظم الوحيــ 2012 ــد

مصافحة اولى مع جميل البوح

وصباحك ورد

نتمنى لك طيب الإقامة بيننا

تقديري

أهلا بك أخي كاظم على ضفاف النبع
قرأتها .. كنت أتمنى أن أعرف هذه اللهجة
لاستوعبها أكثر
تحيتي

هيام

گلبي طول الليل ما بطل ونينة
وظل يحاجيك ويكلك
منهو كال تبدلت
وتغيرت
أنت عندي الدنيا كلها
أنت عيني
أنت روحي
ومن أنام
أبقى أتذكر حجينة
أشلون أنسى
طول عمري ما أخون
أبقى أمينة



المعذرة لخربشاتي

تحياتي وتقديري




منهو كال احنة نسينة

الست هيام اسعدني مرورك العطر ,,هذه اللهجه بالكلام الشعبي العراقي ..مع خالص مودتي لك

الاستاذ الفاضل شاكر سلمان ,,محبتي لك ممتن لمرورك اخي الفاضل

الست الفاضله عواطف ,,انتِ شاعره مع سبق الاصرار ,,شكري وامتناني لك

شلون بينه

كل حبايبنة وكرايبنة

تره كلبوا علينه

آنه ادري الزمن خاين

واليامن بيه مثل راكب سفينه

مع التحية