فهموني ياهل الدار ..شصار!!

فهموني ياهل الدار..شصار!!
\
بغداد الحلوة مدينتنا
صارت بالغربة قضيتنا
منهو ليداوي غصَّتنه
فهموني ياهل الدار
شصار!!

للكاظم نركض كُلَّتنه
وبالمولد مَحْلَّه جمَّعتنه
والزردة تحلَّي كعدتنه
فهموني ياهل الدار
شصار!!

للموصل تحله سفرتنه
والبصرة دبس حكايتنه
كل ظنهم سهَّلة فرقتنه
فهموني ياهل الدار
شصار!!

باگو من عدنه فرحتنه
جوي و احتلوا ديرتنه
دتصير الهجرة غايتنه
فهموني ياهل الدار
شصار!!

بالفرگة انزرفت چبدتنه
ما وگفت والله دمعتنه
وما سكتت والله ونتَّنه
فهموني ياهل الدار
شصار!!

ما تطفى والله شمعتنه
بالوحدة نحقق غايتنه
ومنخلي فاسد يحكمنه
فهموني ياهل الدار
شصار!!

يالله ويايه ياخوتنه
بالفزعة تكبر كلمتنه
نشرح للعالم قصتنه

شصار
بالدار.....
\
31\10\2016
عواطف عبداللطيف

يا يمة الفتنة ذبحتنة
يا ريت نوحد جلمتنا
ونظل اخوان بلمتنا
::
ما اجمل انتمائك
ما اعظم وطنيتك
بوركت وحفظك الله

ياوليدي الغربة كتلَّتنه
شمحلاها يابني لمتنه
شنسوي الفتنة ذبحتنه

شصار


الله يحفظك ابني
محبتي

صرخة من أعماق الوجع وأقاصي الغربة
بكلمات صادقة تفوح بالأمل والعزم رغم ما أحاطها من يأس
هو الإخلاص النابع من الذات العاشقة لتراب الوطن
أبدعتِ كما دائما
لعراقنا السلام

اقتباس: المشاركة الأصلية كتبت بواسطة حنان الدليمي     صرخة من أعماق الوجع وأقاصي الغربة بكلمات صادقة تفوح بالأمل والعزم رغم ما أحاطها من يأس هو الإخلاص النابع من الذات العاشقة لتراب الوطن أبدعتِ كما دائما لعراقنا السلام

ولقلبك الهناء ابنتي
لك شكري على رقي مرورك ورقة كلماتك
محبتي

العراق :
وطنا اخرا حمل وجيعتنا وفجيعتنا وحمل من ظفر الطفل حتى رفاث الشهيد .. وطنا انتصر لعروبته فى ازمان افلت وازمان لم تغادر ذاكرتنا بعد .. وطنا رفض الموت فاصروا على قتله فمات من مات وبقى خالدا على ضفتى دجله والفرات يشكل معزوفة خلف الجواهرى والبياتى والسياب .. خلف زعيم بقوة بابل وبعشق ثيموذا وعراق بجمال اينانا .. " عشتروت "
يا عراقا للنخوة كنت سندا وللقضايا كنت عونا فلك فى كل قطر اغنية اطربتنا حينا وبكيناها الان ..
كاننى هناك امام فندق الرشيد وعلى ضفتى دجله اجالس العبق والمح نبوخذ نصر يستعبد من خلقوا ليكونوا عبيدا والمح حمورابى يضع القوانين فهى العراق التى كانت تبطش بيد كل من سولت له نفسه باقتحام خلودها ويدا تحمل قلما وتربت على كتف كل من ابدع ..
لن يموت من اصل التاريخ ومن حمل لواء الشرق ..
الم تلاحظون بان اول من حوكم فى العراق هو التاريخ ونبوخذ نصر فدمرت المتاحف وكان المطلوب ازالة عمقنا وجذورنا ..
لن يموت العراق ولن يبقى الا ناموس الحرية لشعب يستحق ان يحيا ..

انه صوت الحنين وصرخة البعد

فهموني يا أهل الدار

كولوا شصار

أدريها جفت الأنهار

أدريها ماكو أمطار

أدري الوطن بالأخطار

فهوني كلولي اشصار

جت ناس جابت العار
لهل الدار

جيتهم تشبه الاعصار

حركوا الوادم بالنار

وتكلي كلشي ماصار

اقتباس: المشاركة الأصلية كتبت بواسطة الدكتور اسعد النجار     انه صوت الحنين وصرخة البعد فهموني يا أهل الدار كولوا شصار أدريها جفت الأنهار أدريها ماكو أمطار أدري الوطن بالأخطار فهوني كلولي اشصار جت ناس جابت العار لهل الدار جيتهم تشبه الاعصار حركوا الوادم بالنار وتكلي كلشي ماصار

ندري دكتور اللي صار
بس لازم يوگف الاعصار
وما يبقى خاين بالدار
ونوكف للفاسد كلتنه
نرفع بيدينه رايتنا
ونراوي العالم وحدتنه
بهالدار

شكراً للمشاركة الجميلة دكتور
تحياتي وتقديري

اقتباس: المشاركة الأصلية كتبت بواسطة عصام احمد     العراق : وطنا اخرا حمل وجيعتنا وفجيعتنا وحمل من ظفر الطفل حتى رفاث الشهيد .. وطنا انتصر لعروبته فى ازمان افلت وازمان لم تغادر ذاكرتنا بعد .. وطنا رفض الموت فاصروا على قتله فمات من مات وبقى خالدا على ضفتى دجله والفرات يشكل معزوفة خلف الجواهرى والبياتى والسياب .. خلف زعيم بقوة بابل وبعشق ثيموذا وعراق بجمال اينانا .. " عشتروت " يا عراقا للنخوة كنت سندا وللقضايا كنت عونا فلك فى كل قطر اغنية اطربتنا حينا وبكيناها الان .. كاننى هناك امام فندق الرشيد وعلى ضفتى دجله اجالس العبق والمح نبوخذ نصر يستعبد من خلقوا ليكونوا عبيدا والمح حمورابى يضع القوانين فهى العراق التى كانت تبطش بيد كل من سولت له نفسه باقتحام خلودها ويدا تحمل قلما وتربت على كتف كل من ابدع .. لن يموت من اصل التاريخ ومن حمل لواء الشرق .. الم تلاحظون بان اول من حوكم فى العراق هو التاريخ ونبوخذ نصر فدمرت المتاحف وكان المطلوب ازالة عمقنا وجذورنا .. لن يموت العراق ولن يبقى الا ناموس الحرية لشعب يستحق ان يحيا ..

نعم ستشرق الشمس
وتنبض الربوع بالحياة إن شاء الله
دمت بخير
تحياتي

تصلح أن تكون أغنية وطنية
بوركت