الف دارمي ودارمي بقلم عامر الحسيني

	913 يا نبعة البحرين ...كولي اشوكت تحجين كَلبي ملاه الشوكَـ ... ماظل صبر للعين

	914 كَلبي ملاه الشوكَـ وانت بهجر هم ما ابجي انه بماي انه ابجي ابدم

	915 ما ابجي انه بماي ابجيلك عيون يل ما ابد مريت ما ظنك اتخون

	916 يل ما ابد مريت هلبت تمر يوم تلكَاني بالبستان زارع لك نجوم

	917 ساهر اعد انجوم واحسب واشوفك كل دمي صاح عليك خليني اطوفك

	918 شفت النجم بسماي كاتب لي اسمك فوكَـ الشجر بالكَاع يتراوه رسمك

	919 دكت عليك الروح مشتاكَه لك حيل يل ما الك عنوان سامرني بالليل

	920 يل ما الك عنوان هلبت اشوفك خلصت عمري بشوكَـ ناطر طيوفك

	921 مولاي انت الروح وانت الكَلب والعين خليني اشوفك يوم دليني دربك وين

	922 كَالو حبيب الروح ساكنها باكو لمن وصلت هناك لن كلشي ماكو .............. هذا التحدي من احد الشعراء لان قافية ماكو باللهجة العراقية غير موجودة اضعه هنا اول مرة باكو عاصمة اذربيجان