صبرا يا وطني الانسان
گال وصرّح
إحنه اللي يهمنه الانسان
إنچان أبيض وانچان اسمر
ومهمن كان
نبني ونعلّي البنيان
حچيه معدّل حيل معدّل
يتعامل بالحگ ميزان
گبّن عدّه , گام ينمّر , ظل يشمّر
وچن بالع ستمية السان
ثاري صويحبنا سكران
وزعّل من عدنه الجيران
بويه الوادم
گطّعها الذل والحرمان
يمعود عاين بعيونك
حچيك مايشبع جوعان
ورد يكرر بالعنوان
الانسان ,, الانسان
هوه اللي يعلّي البنيان
ومن بين الناس المجموعه
محروم يكفكف بدموعه
وبنبرة صوته الموجوعه
من أي الاصناف جنابك ؟
أوصافك مو چنها انسان!
شو بسم صاحبنا وصفّگ
ساعه ولن گايملك ينهگ
ثاريه ز... ال من ازمان
ومن شافت بي لزمه امريكا
رقّوه وسوّوه حصان
*****
صبرا يا وطني الانسان
لابد يوم ترد الفرحه
وتعمر بالحب والايمان
ويرجع وجهك ابيض صافي
ويشع بنور الرحمن
آنه عراقي
حره بلادي
يالتنشد هذا العنوان
حسن الشيخ ناصر
صبرا يا وطني الانسان
العرض الشجري
المواضيع المتشابهه
