عمت عينه للوكت

عمت عينه للوكت

(محاولة أولى في اللغة الدارجة العراقية مع اعتذاري

لشعراء الشعر الشعبي)

لُمن جان الوكت للدلة والفنجان

إعله عتبة المضيف تغفه الشمس

ونعش وبناته والكمر سهران

ذاك يكول حسجة وذاك أعلى

الربابة وأعلى المطبج غفيان

الهور على السهل غافي

حلم وردي بحورية حلمان

والناعور يترس ويبدي

وموردة منه شطبة الرمان

اهو تره الهور والناعور

من أبو واحد تراهم خوان

وبيوم وليلة..

وغفلة الزمان

جراد انترست الديرة

بزازين وواوية وفيران

أرضه وخفافيش وصراصر

ترست الوديان

وبيوم وليلة غبرة خلت

فالة الهور بصدر راوة

وخنجر عانة بصدر ميسان

وضحكة الشماتة

من الدولار للدينار

وياها الشماتة من الليرة

والشيكل والتومان

مضحكة صرنة

للزلم والنسوان

عمت عينة الوكت

السلّم ديرة الفرسان

الهيج غُمَان