الى فلذة كبدي وقرة عيني ونبض روحي الى ابني زيــــــد الذي فقد أحد عينيه على ايدي الغدر في انفجار سياره مفخخه في أحد مدن العراق 0 اِستشهاد العيون عَتمَه ياليلة أمِسْ لافـْيَه طيور النَحِسْ غافيه اليوم الشمسْ خوفي لا ليلي ذِبحْها الشمس مابَيَنْ صُبحْها ....................... جفني مابَطل رفيفه ثِگْلتْ أنفاسي الخفيفه ناحلَه اوروحي ضَعيفه طارَت ظنوني بجنِحْها عيني مابَطل نضحْها ........................... يومي شو ضايع زمانه گلبي صارخ مِن حَنانه تارِك الغالي مَكانه جروح عَذبهه ملحْها جبال طاحَت من سَفحها ................................ غفله لـَن هاتف اِجاني ضاع عُمري من زماني شَلْني قيدْني ابمَكاني الگيض أذاها اولِفحْها ثمار مابين ربحها ........................ ( الـهاتــــف ) مابُقه بيهه رَحَم صارت الوادم لَحَم والجُثث صارَت فحَم ـــ اوزيــــــــــــــــد ؟ ؟ ؟ زَيـد راحَتْ مِنه عينه عالصَبُر الله يعينه ......................... صَدمه جايتني جديده روحي خلتْهه مُريده راحَت عيونك شهيده صَوَبْ الغادر رُمحْها عيُونك التوْهَه ابْفـَرَحَها ........................ ماألبسِك ياجديدي اولاأحط الحِنه بيدي غاليه عيونك وليدي طاحَت الدنيه اوصَرِِحها ماأظن يُبرَه جَرحْها ......................... زَيـد يُخاطِب أمهُ مو اِلچ نوح الحَمامه حِمدي الله عالسَلامه ياهو عَلمْني غَرامه انتي يمه00شو نسينه؟ الوطن غالي علينه ........................... عَميه ياعين الحقيقه حَقنا ضايع من طريقه والصَديقه مو صَديقه ذياب مِن صاحَتْ علينه بلاد شِبْعْت من اِدينه ....................... عِدْنه يايمه عِلمْهه العَبْوه بانتْ مِن ختمْهه الله عالحَطْهه اورسَمْهه اوضيعَت مِنه خوينه خُطة الشر اللعينه ........................... اِحنه دين اِسلام عِدنه الطوائِفْ ماتِهدْنه اوماتفرْقنه ابّلدنه مِن عَذِبْ دِجله رُوينه الفـُرات اوخيره لينه ................................ ياوِسام الشرَف عيني وأفدي أيامي وسِنيني حَتما" أوفيلك اِبديني روحي بتْرابَك رهينه ياعِراق البي رُبينه ............................... هسَه يايُمه اقتِنَعْتي اوعَن فـَگِدْ عيني سِكتي حنَيْنَه يايُمه اوصُبرتي ماتِضيگ الدِنيه بينه الله يُفرُجها عَلينه .............................. كُلْنه صَلينه اودعينه ربي دفـْرُجهه عـَلينه0 من العراق اشراق الانباري (ام زيـــــــــــــــــد)
آخر 10 مشاركات
الإهداءات
اِستشهــــــــــ( العيــون )ـــــــــــــــاد
العرض الشجري