مساجلات نبعية

يلّي رحيلك صعب ماتنوصف حالِتك
ممشاك يصلب صلب تكتــــل كتل فرگِــتك
لولاك اني اختنگ أتنفس بـْريــــــّتـــك
ظنـّيت حچيك كذب صارت صدگ روحتك
بارد صرت يالچنت نار وجمـــــر غيرتك
واني العرفتك صبح عين الشمس جابـِتك
ترضاهه من نفترگ يالفـــرّحت شامـِـتك
مو چنه دهن ودبس مااقلقت راحـِــــتتك
لو لحظه مني زْعلت روحي إجت راضـِتك
لالا كذب مو صدگعين الحسد صابـِتك
　



وادعيتك
وروحك الروحي حرز
وگلب يبچي عالبچاه
انت كل طيبة اهلنه
وانت عالم من محنه
ضَوّه بالغربه سماه
والله نَزَلتو دمعتي
من شفت عالشفه آآآآآآآآآآآآآآآه
واه آه وحسره حسره
وعيشه مرّه
وگلب مضيوم بحياته
خلص صبره
وخلص وياهه عمرنه
لاهجسنه الضحك مرنه
ولا فرح وَيــاه أخذنه
ويانه مايدري الحزن ياهو مداه
وين حده ؟ بي نهايه ؟
مالانهايه
يمشي
يمشي واحنه
احنه هم نمشي وراه


ءوصوره ضاعت بيهه آلاف الصور
إوضيعت حتى الگمر
من شِفت نخله ابـّلادي احترگت بغير الشَرر
من شفت دمع اليتامى
يسبح بنصه البحر
　من شفت دم الغوالي سايح بمجره النهر
من شفت　شايل جنطته
　يگول چا　وين السفر
ماعرف ليش السفر
وماعرف وين السفر
اختصرلك هاذا كله
بصوره وحده من الصور
من شفت بغـــــــــداد تبچي بليل ظلمه
تگول چا وين الگمر
اغتالو الدوله العظيمه
　وضاعت بايد الغـِدَر
هذا حالچ ياصور
من حِكَم　000
من حِكَم
قاسي القدر0


　


جيـــــــــــــــــــــت
شايله بايدي لهفتي
على بابك 00واگفه
ترجف خطوتي
گوم
وتلگاني شوگ
بچف حنانك
إسگي 00عطشانه00وردتي
وهلّي بيه
والتفت باوع عليه
اني مو آني صرت
لا00 آني هيه
هواي ذبلني الممات
من بقايا من رفاة
من خبايا السالفات
انتفضت الاشواگ بيه
وجتي تطلبلي حياة
وفي طريقك00شفت دنيه
اتذوقِت طعم الحياة
گوم رجعلي العمر
الضاگ احزان الهجر
وفاض من عنده الصبر
يازليخه بعشگ يوسف؟
ياهو ليلى العامريه؟
ياهو عبله ويابثينه
كلهن انقهرن عليه
من سحن حبك ضلوعي
وگلت اكثر حيل بيه
لان حبيت بجنون
واطبعت صورة خيالك
وغمضت بيهـ العيون
وخفت افتح عيني مره
خاف..تذبحني الظنون
وين جياتك عليه
ردت تحيي المات بيه
واللي بيه 00بيه بيه وماافكر ليش بيه
بيه لوعات وقهر
وبيه الام السهر
وبيه بسمار البشر
كلهه دگت طعنه بيه
ومره في لحظة ضعف
شگد ردت تگبل عليه
حتى تدري شصار بيه
ومن لِفّه طيفك مسيه
إنسيت كلشي 00كلشي منك
كلشي عــَده 00وكلشي فات
ولحظه وحده مانسيتك
وهسه جيتك00



من تجون
نفرش دروب المحبه
هيل
واشواگوشموع
عيني ملت من بعدكم
إومااظن الكم رجوع
ولواجيتوا
الكم گليبي دليل
إوروحي مصباح بدربكم


لو تصير الدنيه ليل
ءو مااظن جيات الكم
بالهجر ضيعتوا حبكم
وضاع من عدكم　گلبكم
واني بالفرگه عليل
والمسافه مو عذركم
تگرب دروب الاحبه والبعد يصبح قليل
وحلم جيتكم علينه
وموبدينه
قسمه وانكتبت علينه
نعيش نتنطر گربكم
إ ومن تجون
گلب يتلگه گلبكم
گبل لا تنمد ايدينه0



　

عادتنه رش الدرب لمن نودع محب
بس انت لمن رحت طشيت شرياني
يـَعْراق دهرك صلف كل لحظه عندي بألف
وين الله من التفت الگاك بحضـــــــــــاني




عطشانه روحي وردت ترويني انهارك
روح القصايد صرت تكتبني اشعارك
عالباب روحي تدگ هاي اني خطارك
خلني اعله باب الگلب وخلي الگلب دارك
وخل أتــّگاطر فرح وَحْلَم بانوارك

اقتباس: عادتنه رش الدرب لمن نودع محب بس انت لمن رحت طشيت شرياني يـَعْراق دهرك صلف كل لحظه عندي بألف وين الله من التفت الگاك بحضـــــــــــاني

يااااااااااه
دعوني أبقى هنا وأتأمل الحرف العراقي والوجع العراقي
أيتها الشاعرة الأنباريّة إشراق
هذا المقطع بالذات أدمع قلبي ...كثيرا
رائعة أنتِ

الغالية إشراق
لهذا المرور المشبع بعبير دجلة والفرات
والمزين بشموخ النخيل ونكهة الوطن
سعادة لا توصف
نثرتي الورد على هذا المتصفح
بهذا الألق والجمال والرقي

من تجون
نفرش دروب المحبه
هيل
واشواگ وشموع
عيني ملت من بعدكم
إومااظن الكم رجوع
ولواجيتوا
الكم گليبي دليل
إوروحي مصباح بدربكم

لو تصير الدنيه ليل
ءو مااظن جيات الكم
بالهجر ضيعتوا حبكم
وضاع من عدكم　گلبكم
واني بالفرگه عليل
والمسافه مو عذركم
تگرب دروب الاحبه والبعد يصبح قليل
وحلم جيتكم علينه
وموبدينه
قسمه وانكتبت علينه
نعيش نتنطر گربكم
إ ومن تجون
گلب يتلگه گلبكم
گبل لا تنمد ايدينه0

المسافة لوعتني
وشوگي يكبر
لريح أهلنة
ولهوة دجلة العليل
ضاع من عندي الزمان
ضيعت حتى الدليل
اشلون قسمة
هدت الحيل ومشت
والغيوم تشتت
والگلب ذاب وتوجع
والغدر كل يوم يكثر
لا رسايل
لا خطاب
ولا جواب
زاد همي
ضاع كلشي الجان يسوه
ضيعوا حتى المروة
والصبر ما عاد ينفع
أسال النجمات عنك
والشمس لَمَن تشع
بلكي ترجع
بلكي ترجع


جيـــــــــــــــــــــت
شايله بايدي لهفتي
على بابك 00واگفه
ترجف خطوتي
گوم
وتلگاني شوگ
بچف حنانك
إسگي 00عطشانه00وردتي
وهلّي بيه
والتفت باوع عليه
اني مو آني صرت
لا00 آني هيه
هواي ذبلني الممات
من بقايا من رفاة
من خبايا السالفات
انتفضت الاشواگ بيه
وجتي تطلبلي حياة
وفي طريقك00شفت دنيه
اتذوقِت طعم الحياة
گوم رجعلي العمر
الضاگ احزان الهجر
وفاض من عنده الصبر
يازليخه بعشگ يوسف؟
ياهو ليلى العامريه؟
ياهو عبله ويابثينه
كلهن انقهرن عليه
من سحن حبك ضلوعي
وگلت اكثر حيل بيه
لان حبيت بجنون
واطبعت صورة خيالك
وغمضت بيهـ العيون
وخفت افتح عيني مره
خاف..تذبحني الظنون
وين جياتك عليه
ردت تحيي المات بيه
واللي بيه 00بيه بيه وماافكر ليش بيه
بيه لوعات وقهر
وبيه الام السهر
وبيه بسمار البشر
كلهه دگت طعنه بيه
ومره في لحظة ضعف
شگد ردت تگبل عليه
حتى تدري شصار بيه
ومن لِفّه طيفك مسيه
إنسيت كلشي 00كلشي منك
كلشي عــَده 00وكلشي فات
ولحظه وحده مانسيتك
وهسه جيتك00

آني جيتك
يابعد روحي فديتك
من الصبح دكيت بابك
للمسا أنطر جوابك
وما ترد

ذابت بگلبي حسرتي
ونزفت عيوني لدمعتي
والليالي من الوجع ضاعت بيدينه
والزمن جاير علينه
بس أعد

والحچي ما عاد ينفع
والعذر لا لا ما يشفع
طالت الغرية عليَّ
وزيدتْ بگلبي الونين
وانطفة ضي السنين
وأني كل يوم بدرد

ما أدري والله شرد أگول
يمتة هالباطل يزول
وينتهي كل الظلام
ضاع من عدنه العمر
ضيعت حتى الصبر
بس دگلي
أشلون تكدر تبتعد
وكل مسية
أنتظر بلكن ترد


آني جيتك


أعذري فقر حروفي
وربما لي عودة اخرى
قبلة على جبينك
محبتي

أشرقت في ســمائنا إشــــراق *** وتلاقت في نبعــــــــــنا الآفاق
كـتبت للـعــراق أجـمـل حـرف *** فأعـز الدنيا لديها الــــــــعراق
أشرقت بالحروف وهي حبالى *** بدموع علـى الـــــــخدود تراق
وتلاقت مع الــعواطف شـــعرا *** فهما في الشـعر الجميل سباق
لـهــجة عــــــذبة تؤرخ حــبا *** تتغنى القلـــــــــــوب والأحداق
هذه إشــــــــراق العراق تغني *** ملء أنغـــــــامها هي الأشواق

المبدعة الرائعة إشراق الانباري
لحضورك هنا رائحة العشب بعد المطر
جمعت بين الفصحى العواطفية والعامية الإشراقية فكان مزيج النور والظل
لك الحبق والعبق

[

اقتباس: المشاركة الأصلية كتبت بواسطة أمل الحداد     يااااااااااه دعوني أبقى هنا وأتأمل الحرف العراقي والوجع العراقي أيتها الشاعرة الأنباريّة إشراق هذا المقطع بالذات أدمع قلبي ...كثيرا رائعة أنتِ

ياأمل انها آه تطلقها الروح وانني :-

من اصيحن آه تتسايل دموع

إوتطفه روحي گبل لاتطفه الشموع
وانتظر باقي العمر آه اعله آآآآآه
يمته ياغالي يجي وكت الرجوع
ونـْذر ال الله ألف ركعه وصلاة
والصلاة سْنين اسجدهه بخشوع .

شكرا امل
لان دمعة قلبك كانت حاضرة معنا .

اقتباس: المشاركة الأصلية كتبت بواسطة عواطف عبداللطيف     الغالية إشراق لهذا المرور المشبع بعبير دجلة والفرات والمزين بشموخ النخيل ونكهة الوطن سعادة لا توصف نثرتي الورد على هذا المتصفح بهذا الألق والجمال والرقي من تجون نفرش دروب المحبه هيل واشواگ وشموع عيني ملت من بعدكم إومااظن الكم رجوع ولواجيتوا الكم گليبي دليل إوروحي مصباح بدربكم لو تصير الدنيه ليل ءو مااظن جيات الكم بالهجر ضيعتوا حبكم وضاع من عدكم　گلبكم واني بالفرگه عليل والمسافه مو عذركم تگرب دروب الاحبه والبعد يصبح قليل وحلم جيتكم علينه وموبدينه قسمه وانكتبت علينه نعيش نتنطر گربكم إ ومن تجون گلب يتلگه گلبكم گبل لا تنمد ايدينه0 المسافة لوعتني وشوگي يكبر لريح أهلنة ولهوة دجلة العليل ضاع من عندي الزمان ضيعت حتى الدليل اشلون قسمة هدت الحيل ومشت والغيوم تشتت والگلب ذاب وتوجع والغدر كل يوم يكثر لا رسايل لا خطاب ولا جواب زاد همي ضاع كلشي الجان يسوه ضيعوا حتى المروة والصبر ما عاد ينفع أسال النجمات عنك والشمس لَمَن تشع بلكي ترجع بلكي ترجع جيـــــــــــــــــــــت شايله بايدي لهفتي على بابك 00واگفه ترجف خطوتي گوم وتلگاني شوگ بچف حنانك إسگي 00عطشانه00وردتي وهلّي بيه والتفت باوع عليه اني مو آني صرت لا00 آني هيه هواي ذبلني الممات من بقايا من رفاة من خبايا السالفات انتفضت الاشواگ بيه وجتي تطلبلي حياة وفي طريقك00شفت دنيه اتذوقِت طعم الحياة گوم رجعلي العمر الضاگ احزان الهجر وفاض من عنده الصبر يازليخه بعشگ يوسف؟ ياهو ليلى العامريه؟ ياهو عبله ويابثينه كلهن انقهرن عليه من سحن حبك ضلوعي وگلت اكثر حيل بيه لان حبيت بجنون واطبعت صورة خيالك وغمضت بيهـ العيون وخفت افتح عيني مره خاف..تذبحني الظنون وين جياتك عليه ردت تحيي المات بيه واللي بيه 00بيه بيه وماافكر ليش بيه بيه لوعات وقهر وبيه الام السهر وبيه بسمار البشر كلهه دگت طعنه بيه ومره في لحظة ضعف شگد ردت تگبل عليه حتى تدري شصار بيه ومن لِفّه طيفك مسيه إنسيت كلشي 00كلشي منك كلشي عــَده 00وكلشي فات ولحظه وحده مانسيتك وهسه جيتك00 آني جيتك يابعد روحي فديتك من الصبح دكيت بابك للمسا أنطر جوابك وما ترد ذابت بگلبي حسرتي ونزفت عيوني لدمعتي والليالي من الوجع ضاعت بيدينه والزمن جاير علينه بس أعد والحچي ما عاد ينفع والعذر لا لا ما يشفع طالت الغرية عليَّ وزيدتْ بگلبي الونين وانطفة ضي السنين وأني كل يوم بدرد ما أدري والله شرد أگول يمتة هالباطل يزول وينتهي كل الظلام ضاع من عدنه العمر ضيعت حتى الصبر بس دگلي أشلون تكدر تبتعد وكل مسية أنتظر بلكن ترد آني جيتك أعذري فقر حروفي وربما لي عودة اخرى قبلة على جبينك محبتي

سيدتي الغاليه لايسعني الا ان اقول :

صِغْتِ القوافي إبعجب

حلوات من الحِسن
چنهن گلايد ذهب
فَرَحِنْ گلبي اليون واقريتلچ سالِفــــــــــــه
معزوفه وِبْلا لحن
اِلهه گلوب إوتحن
قيثارةالعاطفه
يالبيج كل الكرم
لامو فقر لا أبد
كلمات طعم الشهد
إويه گلوبنه إموالفه
چنهن بلاسم جرح
لـَرواحنه النازفه.

محبتي التي تعرفين وقبلة على الجبين

.

اقتباس: المشاركة الأصلية كتبت بواسطة جميل داري     أشرقت في ســمائنا إشــــراق *** وتلاقت في نبعــــــــــنا الآفاق كـتبت للـعــراق أجـمـل حـرف *** فأعـز الدنيا لديها الــــــــعراق أشرقت بالحروف وهي حبالى *** بدموع علـى الـــــــخدود تراق وتلاقت مع الــعواطف شـــعرا *** فهما في الشـعر الجميل سباق لـهــجة عــــــذبة تؤرخ حــبا *** تتغنى القلـــــــــــوب والأحداق هذه إشــــــــراق العراق تغني *** ملء أنغـــــــامها هي الأشواق المبدعة الرائعة إشراق الانباري لحضورك هنا رائحة العشب بعد المطر جمعت بين الفصحى العواطفية والعامية الإشراقية فكان مزيج النور والظل لك الحبق والعبق

الله الله الله اللـــــــــــــــه ما اسعدني وما اسعدها روحي
استاذي الرائع

...

انما انتم من ينثر عبق الياسمين والكاردينيا
اطفأت احزاني وبلسمت جراحي
ومحوت اه من اهاتي التي اطلقتها روحي

ءومن اصيحن آه تنساني السنين
ءوتطرب الروح ءعله لوعات البچي
وَاسمع الشمات تتهامس عليك
خَلصِت عمري أكابـــــر بالحچي
يمته غصة گلبي ينساهه الأنين
ويمته خالي البال أصبح وانتچـي
ويمته أضحك عالشماته بكل شموخ
ويمته يمته00اِنخلص أيام البچي0
وانذر ال الله صيام اعله الطعام
من دموع العين يصفالي الشراب
اوهم اصوم العمُر عن كل الكلام
ومااحاچي الناس لو طال الغياب
روحي تصعد فوگ وي جنح الحمام
لو يمر طاريك فد يوم بعتاب
لو ترد وتگول راجعلي بسلام
لو تبَطِل لاترد ليه الجواب

استاذي الراقي
جميل داري
الف شكرا
لانك غمرتني بجمال الحروف وعذب الكلام

اقتباس: المشاركة الأصلية كتبت بواسطة اشراق الانباري     [ ياأمل انها آه تطلقها الروح وانني :- من اصيحن آه تتسايل دموع إوتطفه روحي گبل لاتطفه الشموع وانتظر باقي العمر آه اعله آآآآآه يمته ياغالي يجي وكت الرجوع ونـْذر ال الله ألف ركعه وصلاة والصلاة سْنين اسجدهه بخشوع . شكرا امل لان دمعة قلبك كانت حاضرة معنا .

من حنيني
حتى گلبي صار جمرة
يحترگ بين الضلوع
والشمس راحت بعيد
والحچي ويه الگمر
لا ما يفيد
صار كل دربي ظلام
وعيني ما تعرف أبد معنى المنام
إنطفت حتى الشموع
وصار خدي مثل مجرى للدموع
وروحي ما تعرف هجوع
تنتظر وكت الرجوع
والثواني من بعد بعدك ياعمري
صرت أحسبهن سبوع
يا لحبيبية
هذا نذري ويه نذرج
بلكي نتلاكه على دجلة
بالتراب نحني أيدينه
ونسجد هناك بخشوع


العزيزات
اشراق& أمل
باقات ورد بيضاء لقلوبكم


محبتي وشكري

اقتباس: المشاركة الأصلية كتبت بواسطة عواطف عبداللطيف     من حنيني حتى گلبي صار جمرة يحترگ بين الضلوع والشمس راحت بعيد والحچي ويه الگمر لا ما يفيد صار كل دربي ظلام وعيني ما تعرف أبد معنى المنام إنطفت حتى الشموع وصار خدي مثل مجرى للدموع وروحي ما تعرف هجوع تنتظر وكت الرجوع والثواني من بعد بعدك ياعمري صرت أحسبهن سبوع يا لحبيبية هذا نذري ويه نذرج بلكي نتلاكه على دجلة بالتراب نحني أيدينه ونسجد هناك بخشوع العزيزات اشراق& أمل باقات ورد بيضاء لقلوبكم محبتي وشكري

وهم تجين بيوم واتصافح معاچ
ءِوْينْسكب گلبي على جرحچ دوه
ونترك الاحزان نشمرهه ابوراچ
ونذكر الافراح وايـــــــام الهوه
وماتشوف العين كل ذاك الظلام
وتفرح النجمات هم تلبس ضوه
وهم نوفّي النذر يم دجله وفرات
والصلاة نگوم نسجدهه سوه.

استاذتي الغاليه عواطــــــــــف محبتي بوسع الكون .

ما بقى هواية على وكت الرجوع
ناطرين من الزمن يشعل ضوه
نمشي للجامع أنا وأنت بخشوع
بلكي بعد الغصة نتنفس هوه

مع محبتي