آني جيتك

تترقرق الدمعة في العين ويسكن الحزن في القلب

استمعت إلى نبضات قلبك فأخذتني إلى مواطن الأوجاع

نص يهز كل كياني لما فيه من ألم وغربة وجراح نازفة

أعاد الله إلى الوطن لتساهمي ولو بجزء قليل في بنائه

تحياتي ومودتي ودعائي كي يريحك الله ويعيدك إلينا

اقتباس: المشاركة الأصلية كتبت بواسطة صلاح المعاضيدي     الك اكتب قصيدي وكل الاشعار وكلمات القصايد منك تغار اشوفك بالحلم وتفيض العيون وتفز روحي بفرح يا الجيت خطار

الاستاذ صلاح
شكراً لعبير مرورك
وجمال إطلالتك

دمت بخير
تحياتب

اقتباس: المشاركة الأصلية كتبت بواسطة عبد الرسول معله     تترقرق الدمعة في العين ويسكن الحزن في القلب استمعت إلى نبضات قلبك فأخذتني إلى مواطن الأوجاع نص يهز كل كياني لما فيه من ألم وغربة وجراح نازفة أعادك الله إلى الوطن لتساهمي ولو بجزء قليل في بنائه تحياتي ومودتي ودعائي كي يريحك الله ويعيدك إلينا

يسمع منك رب العالمين

دعوة صادقة من قلب نقي

أبعد الله عنك الوجع

والدمع عن أيامك

دمت بخير

تحياتي

تعذبت لمن هويتك
وآني لبروحي فديتك
هالمسا آني تنيتك
ذابت الروح بعتبتك
وما إجيت!!!!
ياالوطن !!!!
يا بعد عمري
بالگلب أنت تنام
آني والله ما نسيتك
آني جيتك!!!!

چنت أضنك توكف وياي وتشدني
ومن تجي للروح غصة
بالهوا أنت التمدني
ما دريتك أنت غيرت الطريق
رحت لبعيد وعفتني
والبعد مرمر ضلوعي
والله هدني
صار كل ليلي ظلام
بعد شيفيد الكلام
ما دريتك أنت قاسي
وما دريتك هو أصلاً أنت ناسي
آني جيتك
حتى أكلك
يا بعد روحي
ياعمري
آني والله مانسيتك

الأستاذة القديرة عواطف عبد اللطيف
بارك الله في حروفك الصادقة المعجونة بحب الوطن
لك محبتي وتقديري الكبير

باب مدرستي ,,, تنك
باب غرفتنه ,,,, تنك
كمت اخاف ,,, خاف اني هم تنك
نص جميل سيدتي يفيض بوحا ,, ادام الله علينا طلتك
بكل جديد
كي نتواصل

آني جيتك
يابعد روحي وعمري
من الصبح دكيت بابك
للمسا أنطر جوابك
وما ترد

ذابت بگلبي حسرتي
ونزفت عيوني لدمعتي
والليالي من الوجع ضاعت بيدينه
والزمن جاير علينه
بس أعد

والحچي ما عاد ينفع
والعذر لا لا ما يشفع
طالت الغربة عليَّ
وزيدتْ بگلبي الونين
وانطفة ضي السنين
وأني كل يوم بدرد

ما أدري والله شرد أگول
يمتة هالباطل يزول
وينتهي كل الظلام
ضاع من عدنه العمر
ضيعت حتى الصبر
بس دگلي
أشلون تكدر تبتعد
وكل مسية
أنتظر بلكن ترد

آني جيتك

آني جيتك

لا أبد وحياة عينك
آني والله ما نسيت
أنت تدري
صاروا يبيعون بينه
قَّفلوا كل الحدود
هدوا الموجة علينه
ضاع كلشي من إيدينه
دمرت كل السدود
والوجع كل يوم يكبر
والحنين بگلبي يزأر
ساعة عن ساعة يزود
يا بعد عمر ياعيني
آني مثلك ما لگيت

آني جيتك

آني جيتك
ضوجت كل اللي يمي
بعلو صوتي كمت أصيح
وأنت وينك ما ترد
خنت عهدك من رحت عني بعيد
والجرح كل يوم يكبر
وين ما أمشي أطيح
والصبر مني طفر
والدمع صاير بحر
رسم بخدودي أثر
وآني كل يوم بدرد
والعتب لا ما يفيد
بس أكلك
خلي تعرف
آني غيرك ما أريد

آني جيتك