الأبوذية

يبعثرني الهوه بفكَدك وافر بيه
وجمّدني ثلج وصلك وفر بيه
هم ينساك كَلبي وين افر بيه
يمته الوكت يجمعنا سوية

شفه المعلول من علته وانا داي

عذبته بكثر نوحي وانا داي

بدربه لنتظر جيته وانا داي

دخيلك ياحلو اشفق عليه

من تكلبه
گلبی بلا گلب بعدك *&* منتگلبه
تگلبه وماتجد غيرك *&* من تگلبه
نشاز يصير ثوبک *&* من تگلبه
ونشاز يصير كل غيرك عليه ....
ابو حمزة الخفاجي
****
من تكلبه
كلب الردي اسود *&* منتكلبه
مثل حية ومعفية *&* من تكلبه
كل ثوب يتغير *&* من تكلبه
بس ثوب الحيايا يزيد ضيه .....
ابو عمار الربيعي في 31/ 12 / 2013
------------------------

كلمني الحلو ابجيته وسرني

فرحتي برجوعه اهنا وسرني

سر عدهم بكه بسرهم وسرني

كافي أحزان خلنفرح سويه

شاطراني
انه بسف القوافي *&* شاطراني ( الماهر في صنعته )
وانه بس نهر دجلة*&* شاطراني ( قاسمه على نصفه )
مثل صوفي العقيدة *&* شاطراني ( المسرع الى ألله )
مو منبت خباثه وفاجريه .....
---------------------
مع تحيات ابو عمار الربيعي في 7 /1 / 2014 م

حزني عليك باقي ليل ونهار

شطوط عبرت الك ياترف ونهار

حبنه اللي بنيته وكع ونهار

والشمات فرحوا والله بيه

اضنك ما شفت بجفاك لوجاي
شربته وما يغصص ماي لو جاي
يخايب جا نسيته حفاك لو جاي
ما ضنك بعد تلحك عليه

ابو ذيات قلعاوية و مجراوية
------------------
وانحال
وهن عظمي وتردى الجسم *&* وانحال
لآن حبل الموادد يبس *&* وانحال
انت بحال اخس كل حال *&* وانحال
مثل حال الموسد للمنية
****
وندماي
الحبيب الجان الى سلوة *&* وند ماي
راح وحسرتي بصدري *&* وندماي
اصحابي اتخضب بحنة *&* وندماي
خضابي الصار من جفني لديه
وهدناي
****
مسني الضر وهد حيلي *&* وهدناي
كتله اشتمر عن ابعد *&* وهدناي
ربي لاتكلني لحد *&* وهدناي
روحي التحتضر علتي الخفية
****
وجن
يهيلة اعضاي من الشوك *&* وجن
حسافة سنيني كلها المضت *&* وجن
ضاعن بين دس الانس *&* وجن
صرت سكران كل صبح ومسية
****
وشال
عليكم حتى دمع العين *&* وشال
ويوم الطحت انه الحمل *&* وشال
انت الضعن واسرى بحال *&* وشال
بهدوة ليل ماودع خويه
****
ونامن
اريد اتوسد ذراعك *&* ونامن
وروحي من القهر تبرد *&* ونامن
من هجرك نسيتي اسمي *&* ونامن
من رحمة على ابيك ردني ليه
_______________
مع تحيات ابو عمار الربيعي في 17 / 2 / 2014م

الدهر خاين وهاي احشاي فرها

ابنار البعد والهجران فرها

والباكي الخلك دنياه فرها

وظلت مظلمه الدنيا عليه

شكثر حبيت مثلك ما شفت حب
وانا العـــطشان وانت المـــاي بـــالحب
لا فـســــتق بــــعد ينـــــفع ولا حــب
والحســــــرات شبـــــعت شبـــــع بيه