مفيش فايدة .. شعر عامية مصرية .. مصيلحي

مفيش فايده
ولا عايده
في زمان
مالهوشي
طعم ولون
في حال ريحته
فوَّاحه بكل
جنون
وشوش الخلق
نديانه بعرق
مالح
وآهه في الصدور
شايله
هموم الكون
دموع مخنوقه
في عيون
الغلابة بدم
وهَمّ جبال
ملاحقهم
في ليل ونهار
ما سايبهم
وما بيتلم
وجلاد قاسي
يجلدهم
في أرزاقهم
وناس ع الحاجه
تتعفف
وناس مش لاقيه
تتكفف
ودنيا خلاص
بقت فلصو
وملعونه
ضماير خل
مش ممكن
هتتبدل في يوم
بحليب
وإمتى يا آهه
راح يجي
زمان طيب
ومانقولشي
مفيش فايده
ـــ

حال الحياة القهارة التي لا تسمن من متعة ولا تغني عن احتياج لراحة ما..
سلمت أناملكم والجمال أيها القدير
دمتم بألق
محبتي والاحترام

ربنا كريم وهو ارحم الراحمين

دمت بخير
تحياتي

ما أعمق ما سكبت هنا من ألم
نسأل الله الفرج
لقلبك الفرح شاعرنا القدير نبيل مصيلحي
كلّ البيلسان والندى

	حياك قلبي