للشعر الملمع نكهة (1)

ياعيد كم أشكوك من حرق الهوى ــــــــــ الكلب ذاب وروحي هاي ابعله

أخشى الفراق وللفراق مرارة ـــــــــ تخلي المحب تايه يعيش ابذله

كم أرقتني الذكريات ولم أزل ـــــــــ ليها أحن بس دربي ماأندله

ماغردت بين الضلوع بلابل ـــــــــ الا من اجيت وهذا وردي فله

ماتركت الوداع يوم افترقنا ـــــــــ تدري آنه للموادع ماأروح

أنت روحي على الحقيقة قطعا ـــــــــ وهم شفت واحد يفاركها للروح

يامن هواك على فمي اشودة ــــــــــــــ وآنه عليها تغفي أحداقي

هذا نميرك في الكؤوس سلافة ــــــــ انته حبيبي واحله عشاقي

حركت أوتاري بحس بيان ـــــــــــ بالهم يخوية هلبلاني زماني

وأنا المعذب والهموم كثيرة ــــــــــ وسكوتي احلى من الحجي بلساني

لكنها لحظات عمر أثمرت ـــــــــوردات عمري فتحت من ثاني

غصت بحنجرتي قصائد ودهم ـــــــــــ واليغص كلي ياحلو شيتاني

نفد الصبر ياأخي فأعني ـــــــــــ ابسجن عايش تره آنه وأغني

ظلمات من فوقها ظلمات ــــــــــ عله مودك هلهوى والله سجني

أغلقت بابها حياة الأماني ـــــــــــــ عشت بالآهات وفراكك حزني

ركب الناس في زوارق شتى ــــــــ وانه عايش بالوهم وبسوء ظني

أنصت الليل وأشباح الدجى ــــــــــــ يشوف دمعي ويسمع باذنه الأنين

هل ترى فيك فؤاد قد مشى ــــــــــ بيه تشوف الشوك والوا الحنين

هل ترى فيك سقام قد علا ــــــــــ مثل كلبي عاش بالام السنين

هل ترى تبكي شبابا قد مضى ــــــــ وانه من يومي عشت والله حزين

كانت حياة البدء نبعا راويا ... ما بيها غش ولا نفاق وساده
فيها السعادة والسلام شعارها ... واليوم أكل الناس صاير عاده

هواك بخاطري حلم لطيف ـــــــــــــ وجهج كمر هليضوي ويلالي

علقت بك وقيدني هواك ـــــــــ انته الروح ياعمري يغالي

اتيتك والعبير له فواح ـــــــــــ من تجبل عطر هسه اجالي

يضمخني من الزهر الأقاحي ـــــــــ شكد ارتاح من تكعد اكبالي

عدت اليكم هاهنا اخوتي ــــــــ والكلب الكم والنبي مشتاق

كنتم معي في رحلتي هذه ــــــــ مثل الورد ليطوق الأعناق

لك أهدي التحية والسلاما ـــــــــــ يزينة بيتي وشمعة وجودي

بعيدك قد فرحت وراح قلبي ـــــــــ يغني ويركص وزيد سعودي

أتيتك والورود بملء كفي ــــــــ عطرها يفوح ويبدد جحودي

فأنت المسك في أركان بيتي ــــــــ والج آنه أحقق كل وعودي