الف دارمي ودارمي بقلم عامر الحسيني

	638 كتلها ضايج حيل صرت انه وحدي كَالت لي أنة وياك بوس انته خدي

	639 حورية جتني اليوم كالت لي أحبك حضنك اريده بساع كَلبي على كَلبك

640
حبج سكني وصار كل فكري حبج
دربج مشيته اسنين ضيعني دربج

	641 طيْب الزرعته وياك ما غزر الطيب طيّب تصـــير أوياي ما حســـبت ذيب

	642 چني من أشوفك يوم عيد الله عندي والبس سواد عليك لو خنت عهدي

	643 خاين عهودك ليش خنت الموده حسبالي يا بـــــذات طيبي ترده

	644 الك الله يا عراق تطلكَـ طلوكَـ اسنين شفنه العجايب دنيانه بس بالضيم تزكَـــــط مصايب

	رداً الى الشاعر الجميل ذياب الميالي حين قال :- شايل خلك ناعور اترس واذب ماي ما ادري تالي شلون وياها دنياي *** 645 طيب تشيل الماي تزرع بالكَلوب ربك كفل هالروح اصبر يمحبوب

	646 ركَصت ركَص لطيورما تمشي عالكَاع تفتن فتن وتـــدور طركَــاعه كل ساع

	647 هذي الطراوه البيج خلتني ما نام ازهكَـ اذا تمشـين يفرح تره اللام