صرت لكليبي انفاسه ومية رجيتك تمشي وي كيفه ومية الف مرة انجتل لاجلك ومية رصاص الشوك يبن ادم علية .. الف مرة انجتل لاجلك واناشد حبل وصلك تشد لاجلي وانا اشد مواويل الحزن اطرب واناشد تطرب روحي بملكاك إلية .. بمواويل الحزن سارح وشارد حرت شاكتبلك بهجرك وشارد ومن بعدك صرت تايه وشارد من هجرك تشب النار بيه .. شمس تحرك كفة كليبي واناظل لحد الموت انا اسعيلك واناضل اذا تفاركني يا ولفي انا اضل اوافي وياك لحد يوم المنية . . . التميمي
قد يُبتلى المـرءُ في شيءٍ يفارقـهُ فكنتَ بلوايَ في شوقي وفي قلقي
ﭽـثيرات العليك ذنـوب ******* شنعـد بيا منهن أسولف بعــد ******** شنعيد أبشرنك لبست السود ******** شنعيد شلي بالعيد يالمبعد عليه
عليْ مهما يبيــع النـــذل أنـْفــهْ عزيز أكضي الحياة ابرغم أنفهْ الكبر للي يمــوت ابعِـــزْ أُنّفَـــهْ وأرّفهْ من بيـــوت أهـل الدنيّـه
احني راسك الربك ونخ له وحط صاحبك بمنخل ونخله انه اللي زرعت شجره ونخله بلكي اليجي يترحم عليه
شفتها بالدرب تصرخ ييابه = كلت هذا الحلو منين الله يابه كلبي للحقد يرفض ويابه = طول العمر عايش بالرديه
خده شكد حلو يزهي وخاله سبه أهله وابن عمه وخاله يتبختر بخطواته وخاله وكل اللي يشوفه يظل بأذيه
بوجنته حمره تسبينه وخاله = سبه عمه وابن عمته وخاله يتمايل بخطواته وخاله= وبهجره شفت كل الأذيه
كافي بعد انتظر لو بس تُمُرمر (تأتي) الگلب لمن غبت عانى وتُمَرمر ( تعذب) حتى الأكل والشرب بالحلگ مَرمر (مذاقه) بالغربة كلشي حلو ضاع من ايديه عواطف عبداللطيف
شمحله علزند والله وشمها مثل الورده اصل ليها وشمها الواشي صدك سواها وشمها حرمني من الحلو راح من اديه
ابكلبي ما بقت ياصاح همه وعلى ابعد نجم يزداد همه بيوت الهم لعد دلالي همه وبيها يسكن الغالي عليه
رد: الأبوذية
العرض العادي
