الف دارمي ودارمي بقلم عامر الحسيني

	687 صرت بقصيدي احساس رافكَـ قوافي آخ الوتـــد مفـــروق يا روحــي وافي

	688 آخ الوتـــد مفـــروق واسبابه انته ليــش بوزن خلـيت يالغـــالي ونته

	689 الدنيا والشمات هم حاسد يسود بالك تذل الروح بس الله معبود

	ردا على الشاعرة عواطف عبد اللطيف حين ردت ببيتها بالك تذل الروح يا بعد عمري العتب موش عليك هو الله يدري 690 روحي تون عليج مشتاكة عينج ماظل صبر بالــروح يحبيبه وينج

	ردا على الشاعرة عواطف عبد اللطيف حين ردت ببيتها ما ظل صبر بالروح غصبا عليه مشتاكة يابني هواي بس مو بيديه 691 يمه الــدهر بجفـــاج خلـــص عمرنه شيبه التشوفه الناس واحنه بصغرنه

	692 تجرح جرح وتروح ينزف حنينك واصل حبيبك يوم يالغــالي وينك

	693 اعتب عليمن كَول كـل حزني منهم هذا الجرح جتال جرحوني الاحبهم

	694 ماجافي لا والله بس الـــوكت مر خلاني وي العوز وانه الجنت بر

	695 ساعدني خل انساك خل انسى همي حبك سموم وصار يجري وي دمي

	696 ساعدني خل انســـــــــاك خل انسى نبضه كَلبي اليحبك جان كله على بعضه