الف دارمي ودارمي بقلم عامر الحسيني

	824 الدنيا صــــارت هيـــج كلش حريصه بس الرخيص ايطوف وسط الخبيصه ... ردا على الشاعر نديم الشباني حين قال:- معروفه ما تنباع الشيصه شيصه شو هسه صار السوك بس للرخيصه :: نديم

	825 بس الرخيص ايطوف وتشوفه العيون مهما تـــداري بيــه صدّكَـ تره ايخون

	826 شطك غميج وبيه تدريني غركَان تبعد عليمن ليش يا اجمل انسان

	827 لاموني كل الناس جي لني مشتاكَـ هو الكَلب ينلام ..مايحمل افراكَـ ردا على الشاعرة عواطف عبد اللطيف حين قالت: تبعد عليمن ليش وتسد الأبواب لاموني كل الناس والگلب ما تاب

	828 كونك ترد وتعود بيامك اسنين هاي الزغيرة اتكَول صابت نياشين ردا على قصيدة الشاعر ابراهيم الغراوي ارد ولد

	829 مر بينه مطرة صيف ماتسكَي ديمي شوكَي نثرته ورود بالغربه ضيمي

	830 جيتي بحلم واشعار فتنة بسعادة لاجن توالي الشوكَـ دمعي بزيادة

	831 شعرك ذهب طشار فوكَـ السنابل والخضرة خضرة عين غنت بلابل

	832 اشكَر فتن هلناس هم اخضر عيون بيه الفكر محتار من يكَبل اشلـــون

	833 ريت الفراشه تصير مرسالي وياك واكتب على الجنحان يالغالي اهواك