الخوَّة

الخوَّة

حفظ الله أخوتي وأخواتي وكل أخت وأخ كسبتهم في مسيرة حياتي
\
الخوَّة ذاك الصدر
لو ردت يوم انتجي
يسمعلي بكل فرح
ويكُلي بسَّج بچي
؛
الخوَّة ما مش حطب
اتچملة حتى يزيد
ايدين تنمد إلك
وماتتنه وگفة عيد
؛
الخوَّة گول وفعل
الخوَّة دم جاري
لو جتي دفَّرة صفح
يصيح يا ثاري
؛
الخوَّة هيَه السند
لمن تهب الريح
الخوَّة مثل الوتد
يوكف الك لتطيح
؛
الخوَّة مثل المطر
بيها معاني الوفة
الخوَّة مثل الگُمَر
تصَحَّي الگلب لو غفة
؛
الخوَّة مثل النخل
بيها افتخر ياناس
الخوَّة شيشة عطر
مليانه بالاحساس
؛
الخوَّة مثل الأرض
بالطيب نرويها
الخوَّة وصل الرحم
ربَّي وصة بيها
\
10\10\2017
عواطف عبداللطيف

الله الله
لقد عبرت بكل ما تحمله كلمة الخوة
سلمت و دمت امي

الخوّه كلمة هله
تنحط عليك ابدفه
الخوّه غيمة مُحب
تمطر رهافه ووفه
.
ليس لي سوى أن أترك باقة قرنفل
علّ شذاها يليق بسحر المعاني
محبتي التي تعرفين

كوني بخير سيدتي
عانيت الكثير
الله يحفظك و يرعاك

	الخوه نبعة طيب روح بنفس روح والماعرف لطياب صدكَوني مجروح

بوركتم وحفظكم المولى
تابعت على قلة معرفة ومنكم العذر
محبتي

الخوه خير مانجنيه بالدنيا...

حياك الله أختي العزيزه ورعاك

أطلالات من فكر هادئ ، وإحساس من صفو ناشئ ...دمت تهمسين بما يحلو ، و شعر يحلو حين نقرأه ونتلو...عواطف وفاء ومواقف.

الخوه مثل الورد والعطر منها انتثر

حزام الظهر للخلك والأخو مايعتذر

هيه الفرح والهنه وهيه سرور الفخر

مأبهى حرفك سيدتي الفاضلة

وهو يتغنى بالأخوه

تحياتي

اقتباس: المشاركة الأصلية كتبت بواسطة علي التميمي     الله الله لقد عبرت بكل ما تحمله كلمة الخوة سلمت و دمت امي

تسلم ابني الغالي
حماك الله
محبتي