للشعر الملمع نكهة (1)

مذ غبت لا فرحا شفنا ولا مرحا *** انت التشيل هموم عن كل الأحباب

ياسلوة الصحب والسمار قاطبة *** ترتاح الك يهواي أحباب وأطياب

يا سلوة الطرب المحزون خافقه *** انته الي يهواي ما عندي غيرك

وانشر علينا رياح الخير يا أملي *** لا تسمع العذال همهم يضيرك

قالت نعتك صروف الدهر قلت لها *** ياحلوه انه وياج والناعي يكذب

قد مزق الصوت أضلاعي وقافيتي *** اسم الله كلت يهواي والكلب يعتب

قالت لم اللوم ياحبي ويا أملي *** وصوتك لعند حشاي يخليها تطرب

فقلت صدك آذاني وأتعبني *** عتبك يبعد هواي للكلب يعجب

أين الوصال فأنت كم واعدتني *** كلتلها انت بعدت والله عني

قالت هجرتك بعد خيبة منيتي *** السبب منج ظهر بس مو مني

اني حممت ولم أشعر بحمّاك *** حته اجوني الناس وانطوني شكواج

فقلت ماكانت الحمى لتطرقني *** بليه سبب ياريت كون الله عافاج

وخصلة كنت فيها غير متهم *** ياحلوة لاتشكين علتج وحماج

حتى اذا أنفقت نفسي ونفسك في *** هذا الذي الرحمن من اجله خلاج

لو كان لي قلبان عشت بواحد *** وبحبج الثاني يظل يتعذب

لكن لي قلبا تملكه الهوى *** يتمنه شوفج والالج يتكرب

كعصفورة في كف طفل يهينها *** تبجي بألم والطفل بيها يلعب

فلا الطفل ذو عقل يرق لحالها *** ولا الطير يكدر من حبسته يهرب

حملت بالقلب ما لا يحمل البدن *** والكلب كله هموم لكن حملها

يا ليتني كنت أدنى ما يلوذ بكم *** هجرك يحلو الطول روحي شعلها

أريد سلوكم واقلب يأبى *** وعتبكم سيف يخنك كل الانفاس

وأهجركم فيهجرني رقادي *** وتظلم عندي افكاري والاحساس

وأذكركم برؤية كل حسن *** وحرفي يملي الكم الف قرطاس

وأشكو من عذابي في هواكم *** ما أزعل عليكم حبكم الآس

أداري الناس عما بي *** وريد اخفيه ما اكدر

وما يعلم في شوقي *** الا الخالق الأكبر

الى من زين الله *** بي دنياي وتبختر

ومن أهدى لي اللوم *** وما ريحني بس أسهر

حذار ان غضبت فقد *** اجيك بحزن واتكدر

فارحم عاشقا يبكي *** لتخليني أتعثر

وهيفاء تقتل عشاقها *** من شفتها شعرت والله بالخطر

تسدد بالجفن سهم الفتور *** تخلي كلمن شافها ليله سهر

اذا ماهدت بصباح الجبين *** تفضح المكتوم رفعت كل ستر

أسر اليها بشكوى الهوى ***ترد علي بصوت عالي وبجهر

فنحن كما قيل فيما مضى *** شوفتني الورد جبتلها الكمر