كتله هواي لا تحجي وراهم اشوف الخلك مخبوصه وراهم كل واحد بهلدنيه وراهم تراويهم الآهات وأذيه
أحبك من قبل جدك وجدي صحيح انه انكت بس وجدي يم دارك اظل اسأل وجدي بلكي ياحلو تعطف عليه
من كلبي انه ابعثلك سلامات اتمنه بهنه تعيش وسلامات بعلته اللي يكرهنك سلامات فرحت بالخبر من وافه اليه
بليله مقمره والولف يماي كعدنه والورد يزهي يماي صحت بصوت عابي وين يماي تنطي وليدهه احله هديه
صفيت وحيد والشمات مايه وعيوني تهل الدمع مايه حبيبي من مشه للآن مابه ولا دزلي خبر يسال عليه
كلبي يا ترف لتظن مسالاك وهجرك خربط علي مسالاك بخير وهنخ اتمنه مسالاك وكتها بلكي تتحنن عليه
مكتوبك يغالي مالوانه شعجب عاذلي يسخر مالوانه الشقي شحده يصلني مالوانه واذا يوصل اشوفنه المنيه
سبحنه ابحر حبك منكبينه لأن انت حبيبي منكبينه الهجر أتعب يغالي منكبينه وصفينه بالعذاب احنه سويه
هجرك زيّده الهمي وشجاني تعذبني وتأذيني شجاني شنو اللي شفت منك شجاني ليل نهار بس تضحك عليه
أصيجن من يجن ليلاي مرّه *** دنياي بغيابج غدت مرّه تعاليلي ولو بالطيف مرّه *** نحجي بالجره عليج وعليه
رد: الأبوذية
العرض العادي
